India rama State te zingah Mizoram a hrisel ber - MPCC

NITI Aayog-in India ram State leh UT hrang hrangte hrisel dan tehna, Health Index second edition tihchhuah takah Mizoram chu State te (small) zingah hrisel bera puan a ni a, Health Index tihchhuah hmasak zawk, First edition-ah pawh Mizoram hi pakhatna a lo ni tawh bawk.

Hemi chungchanga Mizoram Pradesh Congress Committee (MPCC) in thuchhuah siama an tarlan danin India ram pum hriselna dinhmun tarlanna, Health Index hi Union Health Ministry leh World Bank \angrual a Niti Aayog-in an siam a nih thu leh a rintlak hle tih tarlangin, he tehna ah hian kum 2 chhung (2015-2016 a\anga 2017-2018) chhunga hriselna dinhmun teh a ni tih an tarlang bawk.

Heng Tehna hrang hrang 23 siam zingah naupiang hlimte damchhuah \hat dan (Mortality Rate) te, hmeichhia kum 15-49 inkar nau nei rualte nau neih dan tehna (Total Fertility Rate) te, naupiang zinga mipa leh hmeichhe awm zat (sex ratio)-te ngaihpawimawh zual a ni a. Heng bakah hian naupiang rih zawngte, natna laka invenna (immunization) pek dante, HIV veite damdawi pek dan leh tehna dang engemawzat hman a ni bawk tih tarlangin, heng tehna hrang hrangah hian Mizoram chuan point 73.70 a hmu a, Mizoram hnaih bertu Manipur hian 57.78 hmuin, pathumna Meghalaya-in 56.83 a hmu bawk a. Mizoram hian 2015-2016 khan 71.27 a lo hmuh tawh bawk avangin hma a sawn a ni mai lo a, State dangin an la thlau hle tih an tarlang bawk.

MPCC thuchhuah chuan Health Index second edition tihchhuah taka Mizoram dinhmun hian hriselna lama Congress Party kaihhruai Ministry kalta hnathawh \hat zia a tarlang chiang hle ah an ngai tih pawh tarlangin, Health Minister hluite leh Health Department a thawktu zawng zawngte thawhrimna zar liau liau ah an ngaih thu an tarlang a, heng hriselna lama thawktu zawng zawngte hnenah hian lawmthu an sawi bawk.