Co-op Society Assembly nei

Serchhip Consumers Cooperative Society Ltd. chuan nimin khan Serchhip Hmar Veng YMA Hall-ah Annual Assembly an nei.

Serchhip Consumers Cooperative Society Ltd. Annual Assembly hi an Chairman, Ralliana chuan kaihruaiin Upa T. Lalrawngbawla’n hunserh a hman hnuah H. Vanlalhruaia, Secretary leh R. Lalrinawma, Treasurer te hnen a\angin Report ngaihthlak a ni a, kum kalta chhunga an member boral mi 9 te sunna hun hman a nih bakah an Vice Chairman, CR. Tuhranga chuan an Society in dawr an neih mek chu Society Member ten uar zawk leh nasa zawka an dawr a pawi-mawh thu a sawi bawk. Hemi hnu hian Assembly Palai ten rorelna neiin Share tihpun nan Share Holder tinin Rs. 200/- thawh an rel bawk.

Serchhip Consumers Cooperative Society Ltd. hi Serchhip-a Cooperative Society lian ber niin tunah hian Share Holder mi 404 an awm mek a, Serchhip Bazar-ah Building neiin hetah hian Dawr an nei a, an dawr-ah hian mipui mamawh thil chi hrang hrang zawrh niin an Society Member zing ami, R. Lalngaihawma chu nikum khan Apex Bank Board of Director-ah thlantlin a nih thu he hunah hian tarlan a ni a. Hun engemaw chen Sleeper siamna atana an lo hman tawh an khawl chu hmanna tur a awm tak meuh loh avangin nikum khan an tiral tih he hunah hian tarlan a ni bawk.