Crop Insurance tih theihloh chhan company te vang

Pangang chi khat, Fall Armyworm (FAW) an tih puang avanga Mizoram-a Vaimim chingtute an mangan laiin an Vaimim te an insure theihloh chhan chu Insurance Company-te vang a ni.
Agriculture Department hotute sawi danin India sawrkarin khuarel chhiatna avanga buh leh bal leh thlai a nih tur ang thar loh palha sum sen hmuh let theihna tur Crop Insurance Scheme hi sawr-kar laipuiin a kalpui a, a hmingah pawh Pradhan Mantri Fasal Bima Yojana (PMFBY) vuah a ni a. He ruahmanna hi Mizoram-a hman \angkai a nih ve ngei theihna atan kum 2017 khan State Level Coordination Committee (SLCC) dinin hemi kum vek hian Fur thlai (Kharif crop) insure turin hmalak nghal a ni.
PMFBY hnuaiah hian Tender chhuah ni mahse, Insurance Company pakhat mahin an chhang lo a. Sawrkar laipui hnenah hriattir niin sawrkar laipui thurawn angin Tender chhuah nawn leh a ni a, insurance company pakhat chauhvin a chhan avangin khaikhin tur awm ta lo chu thlan a ni ta lova. Kum 2017 veka Thlasik thlai (rabi crop) insure a nih theihna atan Tender chhuah leh chu Insurance company pakhat mahin an chhang leh lova. Hetiang hi a nih avangin thil awmdan hi sawrkar laipui-ah thlen a ni leh ta a ni.
Nikum Fur thlai insure-na turin Tender chhuah leh a ni a, hetah hian Insurance Company pakhatin a rawn chhang na in, Champhai District bik tan thla tina premium chhunluh tur an tisang lutuk a, SLCC chuan a hnawl leh a. Kumin Fur thlai insure-na tur atana Tender chhuah chu Company 2-in an rawn chhang ve na chungin loneitute chawi ve tur a san lutuk bakah District hrang hrang rate insan hleih lutuka an chhan avangin May ni 28 khan SLCC chuan a hnawl leh ta a ni. Hetianga Mizoram in harsatna a tawh chungchang hi sawrkar laipui hnenah thlen leh tum a ni bawk.

Comments

Popular posts from this blog

PAN CARD an tih teh fo hi - Laldinpuia