August 1, 2019 a\angin Aizawl khawpui ah Plastic hman khuahkhirh a ni dawn

Aizawl Municipal Corporation (AMC) Board of Councillor (BOC) Meeting-in Aizawl khawpui chhungah August ni 1, 2019 atanga Plastic 50 microns hnuailam khap a rel angin Plastic hman khuahkhirh a ni dawn a, hemi atana hmalakna hmasa atan naktuk khian Aizawl khaw pum huapin Plastic thenfai hnatlang neih a ni dawn.

Aizawl Municipal Corporation (AMC) in August ni 1, 2019 a\anga Plastic 50 microns hnuailam khap a rel chungchangah hian nimin khan AMC Mayor, PC. Lalhmingthanga chuan Aizawl Press Club-ah thuthar lakhawmtute kawmin ruahmanna an siam dan te a sawi a. AMC Mayor chuan AMC Board of Councillor (BOC) Meeting-in Aizawl khawpui chhungah August ni 1, 2019 a\angin Plastic 50 microns hnuailam khap a rel thu leh hemi bawhzui tur hian Committee on Plastic Free City din a nih thu a sawi a. BOC hian khapna dan (Bye Law) pawh siam tawhin sawrkar pawmpuina nghah mek a ni tih a sawi. AMC Mayor chuan Plastic-a siam thil khaina leh dahna bag-te chu hman awlsam leh zangkhai anih avangin hman uar anih thu a sawi a, “Nimahsela, mihringte leh kan chhehvela rannung leh nungchate tana thil pawi tak anih avangin AMC huamchhungah khuahkhirh a ni dawn a, mipuite lo hrethiam turin ka ngen a ni,” a ti.
Aizawl khawpui bawlhhlawh paih chungchang pawh sawiin AMC Mayor chuan, Aizawl khawpuiah chhungkua 67,594 vel awm nia an hriat thu leh heng zawng zawng bawlhhlawh paih chu nikhatah 159.8 MT vel nia chhut anih thu a sawi a, “Bawlhhlawh hi kar khatah MMV trip 502 leh LMV trip 339 paih a ni a, thla khata senso chu cheng Nuai 45 vel a ni,” a ti.
Tuirial-ah New Sanitary Landfill and Resource Centre SIPMIU-in an buatsaih mek thu pawh sawiin AMC Mayor chuan, “Hetah hian bawlhhlawh \awih thei lei\ha a siamna hmun tur te, \awihtheilo sawngbawlna hmun te siam tura ruahman a nih thu sawiin, he hmun hi peihfel anih hunah chuan Veng tin-a an bawlhhlawh paih chu a paihtu mipuiten thliar hrang nghalin a paih hunbi fel tak siamin paih \hin tur a ni tawh ang a. Bawlh-hlawh pawh a nih ang taka sawngbawl a ni thei tawh ang tih a sawi bawk.
AMC Mayor chuan Aizawl khawpum ah Plastic thenfai hnatlang naktuk-ah neih a nih tur thu pawh sawiin, Aizawl-a sawrkar Department zawng zawng leh Zirna In bakah Local Council huaihawtin vengchhungah hnatlangpui neih a ni dawn tih a sawi bawk.

Comments

Popular posts from this blog

PAN CARD an tih teh fo hi - Laldinpuia