Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

YMCA Conference Health Minister in hmanpui

/
Aizawl Young Men’s Christian Association (YMCA) chuan nimin khan Annual General Conference vawi 30-na hmangin Health Minister, Dr. R. Lalthangliana chuan a hmanpui.
E-in-C, PWD Conference Hall, Tuikhuahtlang-a Aizawl YMCA Annual General Conference-ah hian Health Minister chuan Aizawl YMCA chu North East Region a ti\ha ber anni thei chu lawmawm a tih thu a sawi rualin YMCA chungchang zau zawka mipuiten an hriat a duh thu a sawi a, “Thil \hatna leh hlutna kan hriat fuh tawh chuan kan pan hnaiin kan tel hreh ngai lova, mi tam zawkin YMCA \hatna te an hriat chian zel chuan member pawh kan pun chak hle ka ring a ni”, a ti a, Mizoram District tina member tam zawk inziaklut an awm theih nan hma la zel turin a fuih bawk.
India hmarchhak-ah hian Affiliated YMCA hi 23 awmin Good Standing YMCA-ah Aizawl YMCA hi ala tel zel a. Kum 2018 Annual Statistical & Annual Return-a a lan dan chuan Aizawl YMCA ah hian Full Member 225 awm mekin, kum 18-29 inkar mipa 22 leh Hmeichhia 30, kum 30 chunglam mipa 134 leh hmeichhia 39 an awm a ni.

Comments

Post a Comment

Popular News (Last 30 Days)