Mizoram Larsap in Thenzawl a tlawh

/
Mizoram Larsap, Jagdish Mukhi chuan nimin khan Thenzawl tlawhin tunlaia khualzin ten Thenzawl leh a chhehvela hmun pawimawh hrang hrang an tlawh \hin te a tlawh.
Mizoram Larsap hian Thenzawl-a Mizoram hmun hmingthang, Tuikhawhthla sang ber Vantawng Khawhthla leh Thenzawl-a Tourist hip thei tura Sawrkar in ruahmanna a siam, AH & Vety Department Farm, Thenzawl Khawibelphul rama International Standard Golf Course te a tlawh a. Thenzawl AH & Vety Farm Complex-ah hian Dilpui-a Mei Lawng te chi (Boat) an dah te, Sakawr chungchuan chi an dah te chu a hmunah a en a. Hemi hnu hian Sawrkar laipui Ministry of Tourism kaltlanga Integrated Development of New Eco-Tourism Destination hnuaia hmalakna, Thenzawl Khawibelphul hmuna cheng vbc. 99.99 hmanga Eduface Private Limited Infra Service ten International Standard Golf Course, Golf khelhna kua (hole) 18 awmna siam zawh thawkhat te chu a tlawh bawk. Thenzawl tlawhtu Governor hi Thenzawl SDO (Civil), Pinky Zosangpuii chuan lo dawngsawngin, Governor chuan Thenzawl a a hmun tlawh chu nuam a tih thu leh khualzin hip theihna tur hmun pawimawh tak tak Thenzawl-a awm a tlawh thei chu lawmawm a tih thu a sawi.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »