Group 'B' Non-Gazette thawktu la turin Mizoram Subordinate Service Selection Board din remtih a ni

Chief Minister, Zoramthanga hova niminpiah a Council of Ministers \hukhawm chuan MPSC kaltlanga hna lak tam lutuk chhawk zangkhaina turin Group 'B' Non-Gazette thawktu la turin Mizoram Subordinate Service Selection Board din an remti.
Chief Minister hova CM Cabinet Meeting Room-a Council of Minister \hukhawm hian Mizoram Public Service Commission (MPSC) kaltlanga hna lak tam lutuk chhawk zangkhaia, an hna lak leh thawh turte a hun tak zela MPSC in an kalpui \hin theih nan Group 'B' Non-Gazetted recruitment chu MPSC mawhphurhna a\anga lachhuak a, Mizoram Subordinate Services Selection Board hmanga lak \hin ni tawh se tiin an rel a, hemi atan hian Mizoram Subordinate Services Selection Board din tura thutlukna siam nghal a ni bawk.
Hei bakah hian Council of Ministers Meeting hian Department hrang hrang a\anga thu pawimawh ngaihtuah tur lutte chu sawihovin Sinlung Hills Council inthlan neih thuai anih theih nan The Mizoram (Election to Sinlung Hills Council) Rules, 2019 chu pawm a ni a. Mizoram House, Guwahati a thlengtu mipui indaihlohna chhawk zangkhai tura sak belh emaw, ram lei belh chungchang chu ngaihtuah a nih hnuah a thuphungin pawm a ni a. Government of Mizoram (Allocation of Business) Rules, 2019 chu pawmin, hei hi Department hrang hrang hna chanpual siam \hat ngaite siam\hatna tur a ni.
Social Welfare Department a\anga The Mizoram Drug Treatment cum Rehabilitation Centre (TRCs) Accreditation Rules 2019 lut pawh pawm a ni a. Hei hi tun dinhmuna Mizorama ruihhlo ngaite enkawlna hmun mimal din 40 bawr vel awm te chu rualkhai leh mumal taka inkaihhruaina fel tak an neih theih nana duan a ni a. Health & Family Welfare Department a\anga The Mizoram Clinical Establishments (Registration & Regulation) (Amendment) Rules, 2019 lut pawh pawm a ni bawk. LESD&ED a\anga Draft Mizoram Youth Commission Rules, 2019 ngaihtuah tur lut pawh pawm niin, Mizoram Youth Commission (MYC) hnathawh chungchanga kaihhruaina fel tak neihna tura siam a ni a. The Mizoram (Land Revenue) (Amendment) Bill, 2019 chu The Mizoram (Land Revenue) Act 2013 siam\hatna atan pawm a ni a. Hei hian ram lei leh hralh chungchangah mipui tana samkhai zawkna thlen a sawrkar pawhin awlsam leh felfai zawka hna a thawh theihna tura siam a ni.

Comments

Popular posts from this blog

PAN CARD an tih teh fo hi - Laldinpuia