Adviser to Chief Minister in Serchhip-a Horticulture Centre of Excellence a tlawh

Adviser to Chief Minister, C. Lalramzauva chuan Inrinni zing khan Serchhip Lengte ram-a Centre of Excellence chu tlawhin helai hmuna Horticulture Department hmalakna hrang hrang a en.
Adviser to Chief Minister in Centre of Excellence a tlawhna hunah hian C. Lalramzauva hi Serchhip DHO, M. Vanlalzami leh a thawhpui ten lo dawngsawngin an hmalakna hmun te an tlawhpui a, Centre of Excellent-ah hian Dragon Fruit ching turte tan hmalakna nasa taka kalpui niin tunah hian helai hmun a\ang hian Dragon Fruit \iak 40,000 tharchhuah tumah 45,000 vel chu awm tawha ngaih a ni a, heng te hi Green House hrang hrangah enkawl mek niin Dragon Fruit ching tura thlan ten a chinna tur hmunhma an peihfel hunah heng te hi pekchhuah tura ruahman a ni. DHO leh a thawhpui te chuan Dragon Fruit chu enkawl \hat a nih chuan chin a\anga kum khatna ah a thar thei tih sawiin, tunah hian Chhiahtlang khua ah nasa taka kalpui mek a nih thu leh Kei\um khua ah pawh kalpui leh mek a nih thu an sawi a. Unit 1 ching tur tan a zamna tur thir 200 zel phun a ngaih thu leh ban pakhat ah hian Dragon Fruit kung thum zel phunin Unit 1-ah hian kung 600 vel a awm theih thu an sawi a. Dragon Fruit \iak hi pakhat Rs. 100/- man vel a nih thu pawh sawiin, heng a \iak te bakah hian a enkawlna tur thlengin sawrkar in ruahmanna a siam thu te pawh an sawi bawk.
Adviser to Chief Minister hian Spain a\anga chahluh Serthlum chi khat, Ortamique an tihpunna hmun pawh tlawhin he Ser hi leilung \ha vaklo pawh ngam tur leh a Tam lakah pawh him tura ngaih a nih thu an sawi a, hei hi kung 10,000 vel an neih thu leh huan neitute hnenah semchhuah thuai theih an beisei thu an sawi bawk.
Hei bakah hian Thailand a\anga lakluh Kawlthei mu neilo chi tipung tura an hmalakna pawh Adviser to Chief Minister, C. Lalramzauva hian tlawhin Serchhip DHO, Vanlalzami chuan Kawlthei hi Mizoram-ah chuan awm mah se a Mu neilo hi ala awm ngailoh thu leh a Mu chu mi tam takin an ei duhloh chhan a nih \hin thu a sawi a, tunah hian mimal huan-ah enchhinna neih a nih tawh thu leh tam tham deuh tharchhuah theih a nih chuan hralhna tur pawh awm tura ngaih a nih thu a sawi bawk.
He hunah hian Adviser to Chief Minister chuan Centre of Excellent hmun-a Horticulture Department hmalakna te chu lawmawm a tih thu sawiin, he Centre a tlawh hmaa Department hotute sawi ai mahin an hmalakna \ha a tih thu a sawi a, Horticulture Department changtu Minister te pawhin hmu ve pawh nise a \ha an tih ve ngei a rin thu a sawi bawk a, he Centre-a an hnathawh te chu ram pilril-a \ha mai ni lovin, Market thleng phak ngei tura \ha ni tura hmalak zel a pawimawh thu a sawi bawk.

Comments

Popular posts from this blog

PAN CARD an tih teh fo hi - Laldinpuia