Mizoram kawlpetha siamchhuah dan dinhmun

Mizoram-in kawlphetha siam chhuah ve chu Tui chakna hmang (Hydel) a\angin MW 29 leh KW 350 a ni a, ni zung chakna hmang (Solar) a\angin KW 350 a ni.

Assembly Session neih mekah P&E Minister, R. Lalzirliana’n ZPM member, C. Lalsawivunga zawhna Assembly a ziaka a chhan danin hei hi kumin April thla thlenga Mizoram dinhmun a ni a. Tlawva leh Kawlbem Hydro Electric Project te chu thawh zawh a la ni lova, Tuizing leh Tuiriza Hydro Electric Power Project te chu hna thawh zawh tawh niin hawn mai tura peih a ni tawh a ni, a ti. Kawlphetha Megawatt 210 pechhuak thei tur Tuivai Hydro Electric Project chu NEEPCO nen inremna thuhtlung (MoU) ziah tawh a ni chungin NEEPCO lam hian an hmalakna Department-a report tura tih an nih anga report an pek theih loh avangin inremna hi thaichhe leh mai turin sawrkarah rawtna a lut tawh niin a sawi bawk.