Assembly Budget Session tluang takin zofel

Mizoram Legislative Assembly pariatna \hutkhawm \um thumna, Budget Session chu nimin chhun khan tiamchin awm lova tihtawp a ni.

Tun \um Assembly Budget Session hi June ni 12 a\anga \anin ni 16 chhung a awh a, \hutkhawm tak erawh ni 12 chhung a ni a. Tun \umah hian House in mi 4 - Goa Chief Minister Manohar Parikar, Mizoram Assembly Speaker hlui R.Lalawia, Ex-Minister Lalrinchhana leh Ex-Minister PB. Rosanga te sun an ni a. Tun Session chhung hian zawhna \awngka a chhan chi lut 392-ah 384 pawm niin 8 chu hnawl a ni a, List of Business-ah 215 dah a ni a, House-ah 65 chhan hman niin chhan hman loh 150 a awm a, Ziaka chhan chi zawhna 93 lutah 90 admit a ni a, 3 reject niin Starred question a\anga Unstarred question-a leh 139 a awm bawk. Session neih chhung hian Report 6 chu House dawhkan-ah dah niin Paper 20 House dawhkan-ah lay a ni a, sawrkar Bill 4 lutin pass vek a ni. Tun \um Session-ah hian Private Member resolution 38 dawn niin admit vek a ni a. Resolution pahnih chu sawiho hnuah pawm a ni bawk a. Boruak \ha tak hnuaia Session zawhfel a ni chu Speaker chuan lawmawm a tih thu a sawi bawk.