MZP huaihawtin Serchhip leh Mizoram hmundang ah Remna Ni pualin hun hman a ni

Naktuk June 30, 2019-a Remna Ni vawi 33-na lo thleng tur chu Pathianni a nih avangin MZP chuan nimin khan Remna Ni lawmna hi Mizoram hmun hrang hrangah neiin Serchhip-ah pawh Remna Ni pual hian hun hman a ni.
MZP Hqrs. Serchhip huaihawta Remna Ni puala Inkhawm hi Serchhip Hmar Veng YMA Hall-ah neih niin MZP Hqrs. Serchhip Vice President, R. Lalmalsawma chuan a kaihruai a, he hunah hian MZP Hqrs. Serchhip President, H. Lallawmkima chuan Remna Ni an hman chhan a sawi a, Remna Ni chu \hangthar ten hlut deuh deuh ila, Rambuai leh remna Ni chungchang chu Political Party ten inchirhtheh nana hmang lo tur leh ram hmasawnna tura inrem taka thawkho tura an duh thu a sawi bawk.
Serchhip-a Remna Ni puala inkhawm buatsaih ah hian Serchhip Sub-Hqrs. YMA President, R. Sanghmingthanga te, leh PAMRA Serchhip Saizahawla District-a President, PC. Lianhnuna bakah MNF East Block a\angin H. Malsawma, Adviser; Indian National Congress a\angin Lalzuiliana, MCC leh ZPM a\angin District Vice President, R. Zakapa te’n thu an sawi a, Remna leh muanna kan neih hlut zia te, Remna leh muanna karah Mizo ten hmasawn kan ngaihna te an sawi bawk.
Aizawl-ah chuan Remna Ni pual hian Aizawl Sipai Lammual-a MZP General Hqrs. in hun hmangin Chief Minister, Zoramthanga chuan khuallian niin a hmanpui a. He hunah hian Chief Minister chuan kum 33 chhung lai Mizoram in remna ngelnghet, hunin a finfiah kan nei chu lawmawm a tih thu sawiin, \hangthar ten remna ropui zia an hriat thar theih nana MZP in hun an buatsaih chu lawmawm a tih thu a sawi a. Remna chu ram hmasawnna atan hmang tura mipui chahin, remna tello chuan hmasawnna a kal theihloh thu a sawi a. Kum 1986 a inremna ziah chu India sawrkar duhdan a ziak emaw, Mizo mipui duhdan a ziak emaw ni lovin India sawrkar leh Mizo mipui ten kan pawm tlan theiha sirt luk a nih thu sawiin, chu chu Pathian in \ha a tih anga min pek remna a nih thu leh a ropui thu a sawi a. Remna chu humhim a hmang thiam turin mipuite a chah bawk.
Aizawl-a Remna Ni puala inkhawm buatsaih hi MZP Vice President, B. Vanlaltana chuan kaihruaiin MZP President, L. Ramdinliana Renthlei bakah NGO Coordination Committee a\ang leh MPCC, ZPM, BJP leh PRISM Party a\ang te in thusawi ngaihthlak a ni a. He hunah hian Rev. Dr. Zairema, Rev. Dr. HS. Luaia, Rev. Dr. Lalngurauva Ralte leh Lalduhoma, MLA te chu remna leh muanna a awm theih nana hma an lo lak tawhna ah MZP chuan chawimawina an hlan bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia