Vawk man te lilam fel a ni

Tunhnaia Serchhip District-a dan lova lakluh Vawk an man te chu Court thuchhuak angin Inrinni khan Serchhip District Magistrate rua-hmanna angin tihral a ni.
Serchhip District Magistrate in PRRS laka mipuite himna tura Serchhip District chhunga Vawk lakluh khapna thupek bawhchhiaa Vawk rawn lakluh, May 23-a an man te chu Serchhip District Court in tiral tura Serchhip District Magistrate hnena a tih angin Inrinni chawhnu dar 1:00 khan Serchhip Slaughter House-ah lilam a ni a, heng Vawk te lilam a nih hma hian AH&Vety Department-a mithiam ten an enfiah hnua PRRS hrik pai tih finfiah Vawk note 11 te chu tihhlum hmasak niin phum zui nghal a ni a, hemi hnu hian vawk te hi lilam niin a chhang sang ber hnenah hlan a ni a, Vawk lilam chhang tur hian mi engemaw zat kalin Vawk lilamna a\ang hian Rs. 110,600/- hmuh a ni.
Heng Vawk lilamna hun hi Serchhip Addl. DC, Chuauhnuna pawhin telpuiin Vawk hri leng avang hian Vawk vulha eizawn tum tam tak an hlawhchham tawh thu a sawi a, hei vang hian sawrkar chuan rampawn a\anga Vawk lakluh te pawh a khap thu sawiin, tuna Vawk an man te pawh District Magistrate thupek bawhchhiat avanga man an nih thu leh hetiang hi awm tawh lo se a duh thu a sawi bawk.
May 23, 2019-a Champhai District a\anga Serchhip District-a Vawk rawn lakluh Vawk note 76 leh Vawk puitling 25, a vaiin Vawk 101 te hi District Magistrate thupek bawhchhia an nih avangin thubuai siam sak an nih hnuah Serchhip District Court chuan Vawk rawn kengtu mi pali (4) te chu thiamloh chantirin Rs. 1000/- \heuh chawi tura a tih bakah an Vawk te hi sawrkar sum hmuhna atan tiral turin a ti a. Heng Vawk te hi AH & Vety Department ten an enfiah hnuah Vawk note 11 chu PRRS hrik pai an nih avanga tihhlum niin Vawkte 2 leh vawk lian 3 te chu man a nih hnu hian an thi bawk a, a bak zawng hi lilam a ni ta a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia