Zu khapna ah mipuite thawhpuina mamawh tih sawi

Excise & Narcotics Minister, Dr. K. Beichhua chuan Zu khap chungchangah mipuite thawhpuina an mamawh dawn thu a sawi.
Nimin a Aizawl Mizo Hnam Run-a Chhung Inkhawm ah thu sawiin Dr. K. Beichhua chuan 'The Mizoram Liquor (Prohibition)Bill, 2019' hman \an a nih tak thu sawiin, May ni 28 a\ang khan Zu zawrh phal lohna State kan lo ni ta tih a sawi a, “Hemi chungchangah hian Kohhran, tlawmngai pawl leh khawtlang thawhpuina kan mamawh dawn hle a ni,” a ti a. “January 7, 2019 khan Rangvamual-ah Outpost kan hawng thar a, khulai boruak pawh a ziaawm chho viauin kan hre \an a, kan lawm hle. Zokhawthar-ah In luah tur kan zawng mek a, Outpost hawn thuai kan beisei a, Bairabi-ah pawh hawn theih thuai kan beisei. Sawrkar ah hnaruak 33 hnawhkhah phalna kan dil angin min phal sak a, hei hi a la tawk mai dawn lo tih hrain kan tha tichak turin post tam tham tak leh hmanrua kan mamawh te kan dil belh leh mek a, min phalsak ngei kan ring a ni,” tiin District pathum hawn tharah an Department-in bul \an ve thei turin an inbuatsaih tih a sawi bawk.
AH&Vety Minister ni bawk, Dr. K. Beichhua chuan sawrkar hmasa hunlaiin Vawk natna, PRRS a leng nasa hle tih sawiin, tun sawrkar ah chuan Pathian zarah a la leng lo tih a sawi a, “Ram dang a\anga ran lakluh khapna dan uluk taka kenkawh a ni a, YMA leh Home Department pawhin hemi chungchangah hian min pui nasa hle a, kan lawm takzet a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia