Children's Sanitation Club T-Shirt tlangzarh

Serchhip-a UD&PA Department in Children's Sanitation Club te tana T-Shirt an buatsaih chu nimin khan District Urban Development Officer, Vanthangpuii chuan a Office-ah a tlangzarh.
Children's Sanitation Club te tana T-Shirt tlangzarhna hun tawi Serchhip DUDO Office Chamber-a neih ah hian District Urban Development Officer, Vanthangpuii chuan Serchhip khawpui in faina kawnga nasa taka hma kan sawn tawh thu sawiin, tunah chuan naupangte ai mahin puitling zawk, nu leh pa te chu Faina kawnga zirtir ngai an nih tawh thu a sawi a. Children's Sanitation Club te chuan Faina kawngah mawhphurhna an nei tih an hriat theih nan leh faina kawngah tih theih an nei tih hriaa phur taka hma an lak theihna turin hetiang hian T-Shirt hi siam a nih thu a sawi bawk.
UD&PA Department hnuaiah hian Children's Sanitation Club hi Serchhip Hmar Veng Branch YMA hnuaiah din niin YMA Chhang chu rin nghal an ni a, nimin a T-Shirt tlangzarhna hunah hian Serchhip Hmar Veng Branch YMA President, H. Lalbiakhlua chuan Faina kawngah naupangte an phur theihna tura hetianga T-Shirt buatsaih a ni chu lawmawm a tih thu leh naupangte mai bakah nu leh pa te ah pawh faina chungchanga zirtirtu \ha tak a nih a beisei thu a sawi bawk. He hun hmanah hian Serchhip Hmar Veng Branch YMA hruaitute hnenah hian T-Shirt tlangzarh tak 120 chu hlan nghal a ni bawk.

Comments

Popular posts from this blog

PAN CARD an tih teh fo hi - Laldinpuia