‘Mizote kan harh a \ul tak meuh ta’ - Lalduhoma

ZPM hruaitu, Lalduhoma chuan Mizoram-a kan MP te tlin dan chu Hnam rilru a\anga thlir chuan thinlung a na tih sawiin, Mizote kan harh a \ul tak meuh ta tih a sawi.
Nimin a ZPM in Aizawl-a an Office-a Chhung Inkhawm an neih ah ZPM hruaitu, Lalduhoma MLA hian thu sawiin MLA leh MP inthlan inkar, ni 134 lek chhungin MNF leh Congress te chu a hnungtawlh zawngin an kal nia sawiin, anni erawh chuan hma an sawn zel thung tih a sawi a. “MP inthlanah khan rorellai MNF chu Bial 18-ah chak lovin, an Minister leh MLA te Bial vawn lai 11 zet mai an hloh tel nghe nghe a nih kha. Sawrkar thar lawma an kut ben ri pawh a la reh hma leh, an thatho vanglai taka heti em ema an han tlahniam chak mai hi ngaihtuah tham a ni,” a ti.
Lalduhoma chuan MNF te chu Chakma vote avang chauha tling an ni tih an hria tih pawh sawiin, “Tuichawng Bial pakhat chauh pawh hi tel ta lo se chu, Vote 3329 a chak tur kan ni. Kum 2014 MP inthlanah pawh khan, MNF, MPC leh ZNP |angrual Candidate, Pu Robert Romawia kha Chakma vote vang bawkin a lo tla tawh bawk a. Khami \um khan Tuichawng Bial tel lo chuan Pu Robert-a kha Vote 1055-a tling tur a ni tawh bawk,” a ti a. “Kan MP te tlin \hin dan hi hnam rilru a\anga thlirin thinlung a na a, Mizote kan harh a \ul takmeuh ta a ni. India khua leh tui dik tak Chakma te hi kan do lova, CADC huamchhunga kum khat-a VC thar 14 ngawt mai a han piang thei te hi pun dan pangngai a ni lo tih a lang reng a. Heng Illegal Village te hi sawrkar hian \hiat nghal se tih kan phut a ni,” tiin Mizo hnam anga inthlan kan hmachhawn thiam a \ul thu a sawi.
Hei bakah hian Lalduhoma chuan kum tam tak chhunga kan ram roreltute rorel dana lungawi zo ve lo ten, an Symbol, Flag leh Pawl hmingte hlanin, Mipui sawrkar, kalphung thar siam turin ZPM an din tih sawiin, an din chhan hre reng turin mipuite chu a chah bawk.

Comments

Popular posts from this blog

PAN CARD an tih teh fo hi - Laldinpuia