SBI Customer te tan Card tellovin ATM -ah pawisa a lakchhuah theih ta!

Consumer te i harh ang u –XXI :

SBI Customer te tan Card tellovin ATM -ah pawisa a lakchhuah theih ta!

-Laldinpuia

Secretary

Serchhip District Consumer Association

India rama Bank lian ber State Bank of India (SBI) chuan March 17, 2019 khan State Bank Customer te tana thu lawmawm deuh mai an puangzar thar a, 'SBI YONO Cash' tih chu release tharin he apps hmang hian SBI Customer te tan SBI ATM Card tel kher lovin ATM Booth a\angin pawisa a lakchhuah theih tawh dawn a ni. SBI te hi India rama Bank zinga ATM tellova pawisa lakchhuah theihna dan siam leh hmang hmasa ber an ni. Haihawt deuh leh ATM Card tihbo hlau reng renga fimkhur \hin te tan chuan thil \ha leh awlsam tak a ni ngei ang. ATM Card theihnghilh emaw, ATM Card No hriatloh avanga pawisa lak tuma lak theihloh kha a awm tawh dawn lo anih hmel.

SBI Chairman Rajnith Kumar-a chuan he an ruahmanna thar hian ATM Card tel kher lovin pawisa a lakchhuah theih tawh dawn avangin mi tam zawk te tan awlsamna a siam ngei a a rin thu a sawi a, mipui ten Bank \hatna leh \angkaina an chhawr theih phah zel a rin thu a sawi bawk. State Bank te chuan YONO kaltlanga pawisa lakchhuah hi a him tawk a, mipui te tan Security lamah hlauhthawn tur a awmloh thu an tarlang bawk.

State Bank te hian an Banking application thar YONO tih hi November 24, 2017 khan an lo release tawh a, Smart phone kaltlangin android leh ios hmang te tan playstore-ah a thlawnin download mai theih a ni. YONO lampum chu ‘You Only Need One’ tihna a ni. SBI hian ATM Card tellova pawisa lakchhuahna hi YONO Cash tiin an vuah a, pawisa lak dan leh a hman dan chu hetiang hi a ni –

Step 1: YONO Cash hmang thei tur chuan Internet/Mobile Banking neih a ngai a, i Mobile No leh i Bank Account a inthlunzawm ngei a ngai bawk.

Step 2 : SBI YONO tih Mobile Application, Android emaw iphone emaw hmang tan kan phone ah install phawt tur.

Step 3 : YONO SBI apps i download zawhah i internet banking details hmang khan in register tur a ni. 

Step 4 : I inregister zawhah YONO SBI tih apps kha hawng la, YONO Cash tih option kha click tur a ni. Chumi i tih zawhah I pawisa lak duhzat leh pin digit 6 chhutna a lo awm ang a, I duh duh digit 6 i chhu ang a, chumi zawhah i phone ah SMS in registration number digit 6 a rawn thleng bawk ang. 

Step 5 : Hemi zawhah SBI ATM Booth emaw YONO Cash point ah emaw kal la, ATM Screen-ah YONO Cash tih lo awm kha tick la, i SMS dawn PIN digit 6 chhut na tur a lo lang anga, chhu la chumi zawhah i pawisa lak duhzat leh apps-a i PIN siamchawp digit 6 kha chhut leh tur a ni a, tichuan i pawisa duhzat chu a lo chhuak tawh mai dawn a ni. SMS a lo thleng Code digit 6 hi minute 30 chiah a dam a, chuvang chuan hemi chhung hian ATM Booth a kal ngei ngei a ngai thung. Pawisa lak anih veleh SMS hmangin information a lo thleng bawk ang.

He YONO Cash hi a chhawr \angkai thiam tan chuan thil \ha tak tur a ni. Hmun danga awm pawisa inthawn nan te, phai a kan chhung te, fate awm ATM Card kawltir daih ai chuan YONO Cash hmanga kan phalzah pawisa thawn mai te kha thil remchang tak a ni ang. He YONO Cash hi SBI ATM Booth-ah chauh hman theih a ni a, SBI Customer te tan chauh hman theih a ni bawk. India rama ATM 16500-ah te hman theih vek a ni a, ATM Screen-ah khan YONO Cash tih a lo awm a, ATM-a kan kal khan kan Card rawlh kher ngai lovin a Screen-a YONO Cash tih kha tick nghal mai tur a ni. He YONO Cash hmang hian vawikhat ah Rs. 10,000 thleng a lak theih a, ni khatah Rs. 20,000 a lak theih bawk.

Tunah hian State Bank hi India rama Bank lian ber a ni a, April 2019 Reserve Bank of India report-a a lan danin State Bank ATM Card hmangtute hi Credit Card hmang mi 854,5759 leh Debit Card hmang mi 29,70,73,038 an awm mek a ni.