Sawrkar hmasa in a mutthluk san vang niin sawi

Chief Minister, Zoramthanga’n Aizawl khawpui chhung a\anga Zokhawsang-a Assam Rifles sawnchhuah theih a la nih rih loh chhan chu Sawrkar hmasa-in kum 10 chhung hmala lova a muttluk san vang niin a sawi.
Zirtawpni kaltaa Junior Engineer Service Association General Conference a hmanpuina ah he thu hi sawiin Chief Minister chuan tunhnai khan Union Home Ministry chuan Assam Rifles te chu May thla ralhmaa Aizawl khawpui a\anga Zokhawsang a insawn turin a hriattir tih a sawi a, hemi chungchangah hian Assam Riffle-te insawnna tur Zokhawsang a thil awmdan chu engmah an la hriat loh avangin AR hotute leh a kaihnawih Department hotute nen Zokhawsang hi an enfiah tih sawiin, thil awm dan chiang takin an hmu tih a sawi a. Thuneihna an chan hmasaka Assam Rifles insawnna tura sum sanction hmanga In sak hmasak te chu a chhe tawh hle a, a panna kawng pawh siam zawh loh in ala awm a, sipai in Lam an zirna hmun tur pawh duhthusam a awm loh thu leh hnim sut hawn chawp ngaiin a awm a, lirthei hmang pawhin pan theih a nih loh avangin sipai Batallion khat luh theihna chi a ni lo tih a sawi.
Chief Minister chuan thil awmdan chu Assam Rifles hotute pawhin an ngai thiamlo hle tih sawiin, Union Home Ministry lamin insuanlut tura tih tawh bawk si avangin an mangang a, Sawrkar lam pawh a mangang hle a ni, a ti a. Tunah hian Zokhawsang-ah loh theih lohna avangin sipai 80 vel an awm hram niin a sawi bawk.

Comments

Popular posts from this blog

PAN CARD an tih teh fo hi - Laldinpuia