NIC hotu lian in rawn tlawh

Nimin khan Pi Seemantinee Sengupta, Scientist-G, Mizoram State Co-ordinator, National Informatics Centre, New Delhi chuan Serchhip rawn tlawhin Serchhip District Bawrhsap, Sangchhin Chinzah leh District Informatics Officer, Lalruatmawia Zadeng ten lo dawngsawngin inkawmna an nei.

Serchhip District Bawrhsap Pisa-a an inkawmna ah hian District Bawrhsap chuan Seemantinnee-i'n Serchhip a rawn tlawh chu lawmawm a tih thu sawiin, inthlan leh sawrkar hmalakna kawng tam takah NIC chu \angkai taka hman \hin an nih thu a sawi a, NIC tihhmasawn zelna kawngah District thuneituten theihtawp chhuaha lo \anpui a inhuam thu a sawi bawk.

He hunah hian Pi Seemantinee Sengupta chuan Serchhip District hmasawnna atan District Hospital-ah ‘e-Hospital’ kalpui tum anih thu sawiin, hei hian damlo enkawl tawhte Medical Record chu awlsam tak leh rang taka enlet mai theihin thawktute a pui thei dawn a ni, a ti a. Revenue Department ten Land Records an neih te pawh computerize vekna tur, ‘e-Ram’ pawh buaipui mek anih thu sawiin, hetah hian Revenue Department in record an neih zawng zawng dahluh vek a ni anga, ram in neih thuah leh ramri buai vel chin fel nan a \angkai hle dawn a, hemi atan hian Serchhip District chu Pilot Project atan hman a nih thu a sawi bawk.

Nimin a Serchhip tlawhtu Pi Seemantinee hi Dr. RK Das, Scientist-F, Mizoram State Informatics Officer leh Lalthathanga, Scientist-E, District Co-ordinator ten an rawn \awiawm a. District Bawrhsap hova inkawmna an neih hnu hian NIC Serchhip District thawktute nen inkawmna hun an hmang leh bawk a ni.