Mi 206 sumdawn phalna pe

The Mizoram Goods and Services Tax Act, 2017 hnuaiah hnamdang 206 hnenah Mizoram a sumdawn phalna pek an ni tawh tih Taxation Minister, Lalchamliana'n House a hrilh.
ZPM member, Lalchhuanthanga zawhna leh zawh belhna dangte a chhanna ah Lalchamliana chuan, GST hman chuan \hatna a neih rualin \hat lohna pawh a nei ve tho tih a sawi a. Hnamdang engemawzat hnena Mizorama sumdawn phalna pek an ni chu a ngaihmawhawm rualin, Mizorama sumdawn phalna nei tura dan an zawm a nih chuan pek loh ngawt theih an ni lo a ni, a ti.
Lalchamliana chuan, GST hnuaia Mizorama sumdawn phalna nei turin sawrkar hmasa khan dan \ha tak a lo duang a, chutah chuan Hnamdang Mizorama sumdawn phalna nei tur chuan ILP kum 2 chhung nung an nei tur a ni tih a ni a, hemi anga ILP kum 2 nung neiten sumdawn phalna an nei a nih chuan pek an ngai a ni, a ti a. Sawrkar laipui ruahmannaa chhiah lakna dan thar, Goods and Services Tax hman tak chuan thupui pakhat a nei a, chu chu ‘One Tax, One Nation’ tih a ni a, hei hian a tum ber chu India khua leh tui ten chhiah inang tlang an pek a ni tih a sawi. 
Taxation Minister chuan, GST hnuaia sumdawn phalna pek tawh, sumdawng si lo te chu an Permit tihtawp sak theih a nih a rin thu sawiin, State pawn a\anga bungraw lakluh phalna E-way Bill chu kawng lakah a lo thi hman a nih chuan pawisa dang chawi belh ngai lova tih nun thar leh theih a ni tih a sawi a. GST hman a nih hnua Vairengte-a Taxation Check Gate khar tawh chu thil diklo tih tumte man chhuah an nih theih nan hawn leh a nih thu a sawi a. Hmun dang a\anga bungraw lo lut chu dik taka kalpui a nih \hin laiin Silchar a\anga bungraw lo kal zingah chhiah awl duh vanga bungraw lakluh zat ziah tlem a ni \hin a, hei hi thil diklo a nih avangin enfiah nan Data Collection Centre ti-a vuaha hawn leh a ni tih a sawi bawk.

Comments

Popular posts from this blog

PAN CARD an tih teh fo hi - Laldinpuia