Mizoram-ah World Food Safety Day hmang

Nimin khan khawvel pumah ei tur vawn thianghlim leh ei in hriselna inzirtirna Ni, 'World Food Safety Day' hman a ni a, Mizoram-ah pawh a vawikhatna atan Directorate of Health Services Office, Dinthar, Aizawl-ah he Ni puala thutiam chhamrualna nei hun hmangin Principal Director, Health & Family Welfare Office Chamber-ah World Food safety pualin hun hman a ni bawk.

World Food Safety Day puala hun buatsaih hi Dr. F. Lallianhlira, Principal Director chuan kaihruaiin Lalsawma Pachuau, Joint Director, Food & Drugs Administration chuan World Food Safety Day chu UNO thutlukna angin Mizoram-ah a \um khatna atana hman a nih thu a sawi a. Kum tinin he Ni hi ei leh in thianghlim chungchanga inzirtirna hun atan hman chhunzawm chhoh zel a nih tur thu a sawi bawk.

Kumin a 'World Food Safety Day' ah hian thupui atan 'Food Safety, Everyone Business' tih chu hman niin Lalsawma Pachuau, Joint Director, Food & Drugs Administration chuan he Ni thupui hi a sawifiah a, Ei leh in thianghlim chuan a huamzau thu leh kan ei tur chinna hmun a\anga kan ka-a a luh thlengin a huam thu a sawi a. A chin dan, a thar chhuah leh a siamchhuah bakah, dah \hat dan thlengin a pawimawh vek a, chuvangin hemi kawngah hian fimkhur namen lova kan \hanharh tlan a hun tak zet tawh a ni, tiin kumin-a he Ni thupui in a tum ber, a thianghlim loh chuan ei tur a ni lo tih chu a taka kan kalpui a ngai tih a sawi bawk.

He huna tarlan anih danin khawvel pumah hian kumtin ei leh in thianghlimlo a\anga natna kai mi maktaduai 600 chuang an awm ziah ni a chhut a ni a, mihring 10 zela pakhat ten ei in thianghlim lo avangin natna an kai \hin a. Kumtin naupang kum 5 hnuailam zaa 40 ten ei tur thianghlimlo an ei avangin natna an vei ziah bawk a. Heng bakah hian kumtin ei leh in thianghlim lo ei avangin mi 1,25,00 an thi ziah bawk niin mithiam ten an chhut a ni.