Adviser to Chief Minister in sawrkar hmalakna tlawh

Nimin khan Adviser to Chief Minister, C. Lalramzauva chuan Kawlri tlang-a Eklavya Model Residential School, Serchhip damdawi In leh Serchhip Bazar Market building te tlawhin sawrkar hmalakna te a enfiah.
Nimin-a Eklavya Model Residential School (EMRS) a tlawhna ah hian Adviser to Chief Minister hi School nau-pangte leh School enkawltu ten lo dawngsawngin Adviser to Chief Minister hian zirlaite chu tum mumal tak neia theihtawp chhuaha lehkha zir turin a chah a. School enkawltute chuan an mamawh- Security chungchang te, Power Supply chung-chang leh Internet Conection te lo thlenin heng te hi a theih anga ngaihtuah sak an nih tur thu Adviser to Chief Minister hian a sawi a. He hunah hian PHE Serchhip WATSAN Division-a Sr. EE, Er. F. Lalsanglura chuan EMRS tana Tui pump an tum dan sawiin, hemi hmalam hian inthiarna leh bawlhhlawh halna an lo siam tawh thu a sawi bawk.
Hemi hnu hian Adviser to Chief Minister hian Serchhip damdawi In tlawh lehin District Medical Superintendent Office-ah thawktute nen inkawmna an nei a, he hunah hian damdawi In a thawkte chuan harsatna an neih hrang hrangte thlenin tunhnaia Serchhip damdawi In-a Doctor sawn chungchang pawh sawiho a ni a, he hunah hian Adviser to Chief Minister chuan Serchhip khawtlang in harsatna an tawh mek chu a hriatpui thu leh hemi chungchang hi nimin ah pawh Chief Minister te nen an sawiho thu a sawi a. Hei vang hian tuna thlaktu tur dahloh avanga Doctor sawn tur NGO lamin kal lo tura an tih chu la kal rihlo phawt turin a ti a ni.
Adviser to Chief Minister hian Serchhip Bazar building pawh tlawh nghalin Bazar tual zauhna tura PWD ram laih mek leh Saserna building sak thar hna thawh mek te chu tlawhin he hunah hian sawrkar hotute leh Party hruaitu ten an \awiawm a ni.

Comments

Popular posts from this blog

PAN CARD an tih teh fo hi - Laldinpuia