Hunthar Veng lei tlahniam atan sum la sanction lo

Disaster Management & Rahabilitation (DM&R) changtu Minister ,Lalchamliana chuan Hunthar Veng lei tlahniam \hin chu cheng vbc. 20 chuang sengin siam\hat a ni dawn tih House a hrilhin, sanction hmuh ve leh hna \an a nih tur thu a sawi bawk.

Nimin a Assembly Budget Session zawhna leh chhanna hun a Aizawl North-III bialtu MLA, C. Lalmuanpuia zawhna leh member dangte zawh belhna chhangin DM&R Minister Lalchamliana chuan, Hunthar Veng lei tlahniam chu sawrkarin siam\hat tumin hma ala mek tih a sawi a, hemi atan hian Detailed Project Report (DPR) Central ah thehluh tawh a nih thu leh, National Disaster Management Authority (NDMA) in May 2, 2019-a a pawmpui tawh thu a sawi a, sanction hmuh ve leh hna \an a nih tur thu a sawi.

DM&R Minister chuan Hunthar Veng lei thlahniam chungchang-ah sawrkar hmasa pawh khan hmalakna a lokalpui tawh \hin tih sawiin, kum 2016 khan AIE Consultancy ruaiin DPR siam alo ni tawh thu leh he DPR in NDMA chuan a aproved loh thu a sawi a, hetihlai hian kumin kum bul lama Chief Minister, Zoramthanga Delhi zinin, NDMA hotute hmu in, Hunthar Veng lei tlahniam chungchang hi a thlen a, CM hmalakna bawhzuiin NDMA chuan kum bullam khan expert te an rawn tir nghal a, hemi hnu hian DPR lo awm tawh sa te siamrem in, kumin May 2 khan NDMA chuan DPR in a rawn pawm tak thu a sawi a. NDMA in DPR a rawn pawm hi cheng vbc. 20 chuang hret a nih thu DM&R Minister chuan House hrilhin, NDMA in cheng vbc. 15 a tum tur thu leh State sawrkarin cheng vbc. 5 chuang hret a tum tur thu a sawi a. Tun dinhmunah sanction hmuh la nilo mah se, a theih ang anga hnathawh mek a nih thu leh chirh tawlh tur te pawh silpauline hmanga ven mek a nih thu a sawi bawk.

DM&R Minister Lalchamliana chuan Ngaizel-a lung tla \hin chu Detail Project Report (DPR) \ha tak siama hmalak tum a nih thu pawh nimin Assembly Inkhawm ah hian a sawi a. DM&R Minister chuan, nikum 2018 khan Aizawl chhimlam kawtchhuah Ngaizel phei kham a lung tla \hin zirchiangtu tur Study Team chu Mizoram sawrkarin alo din tawh tih sawiin, amaherawh chu he Study Team hi a famkim tawklo a, a huamchhung VC leh NGO te an lo tello a, heti chung hian pangngai takin hna thawh a ni tih sawiin, an enfiahna ah hmun 7 laiah lung tla mai thei hmuhchhuah a nih thu a sawi. Helai hmun siam\hat dan tur leh lung tla tur venna turin Mizoram sawrkar chuan DPR mumal zawk siam nise tiin ruahmanna a siam a, chumi ang chuan tunah hian hmalakna kalpui mek a nih thu a sawi. Minister chuan Mizoram hmun hrang hranga kham hlauhawm zualte pawh hi DC te leh thawktu ten enfiah thei se \ha a a hriat thu pawh sawiin, lui dunga mihring tlak tam deuhna hmunah pawh signboard tar ni theise \ha a a hriat thu a sawi bawk.