Ba rulh hleihtheih lohna thang (Debt trap) ah kan lut mai ang tih a hlauhawm hle - Dr. Vanlalthlana

Aizawl North-II bialtu MLA, Dr. Vanlalthlana chuan, “Ba rulh hleihtheih lohna thang (Debt trap) ah kan lut mai ang tih a hlauhawm hle a ni,” a ti a. “Zirna chungchangah World Class Education tiamtu sawrkar hnuaia kan Education kal dan hi a zahthlakin tih tur a tam hle a ni,” a ti bawk.

Nimin-a Aizawl ZPM Office-a ZPM Chhung Inkhawm ah Aizawl North-II bialtu MLA, Dr. Vanlalthlana hian thu sawiin kum 1998-2008 chhunga MNF Ministry-ah khan tuna kan Chief Minister hi Finance Minister niin Financial Management ropui lo tak kan lo tawng tawh tih a sawi a. Kum 2001-2008 chhunga kan state sawrkar thawhchhuah (GSDP) leh leiba kha State sawrkar dangte aia chhe lawr lakin kan Chief Minister khan mipuite min chhipchhuan tir tih sawiin, “Kha hun chhunga State dang hoin an GSDP a\anga an leiba chawhrual chu 38% chauh a nih laiin Mizoram ve thung chuan 92% zet leiba kan nei a. Kum 2004-2008 chhung phei kha chuan 100% kan pel chho a, a zahthlak hle a ni,” a ti a. Khatih hun laia kan Chief Minister leh Finance Minister ngai reng khan tunah hian kan State sawrkar sum bawm chu a khawih leh dawn tih sawiin, “14th Finance Commission in pawisa a hmuh zawng zawng a\anga Mizoram sawrkar a rawn pek tur hi 0.46 % chauh a ni a, kan state budget in a daih dawn lo em em a, chutih laiin sum tak tam senna tur heng - Cheng nuai 3 sem, District 3 siam belh, zirtirtu 900 chuang lak belh, kawng chhawng siam leh Developmental Work tam takah hian a awm a. Ba rulh hleihtheih lohna thang (Debt trap) ah kan lut mai ang tih a hlauhawm hle a ni,” a ti a ni.
Dr. Vanlalthlana chuan kum 2017 khan National Achievement Survey (NAS) in India ram state hrang hranga zirlai pawl 3, 5 leh 8 te thiamna a zirchianna ah Mizoram chu pawl 3 ah pakhatna niin pawl 5 ah chuan hniam taka tlain, pawl 8 ah phei chuan State dangte phak mumal kan nei lo tih sawiin, “World Class Education tiamtu sawrkar hnuaia kan Education kal dan hi a zahthlakin tih tur a tam hle a ni,” a ti a. Tuna kan Education Minister chu MZP President hlui niin zirlaite tana hmathlir thui tak nei nia an hriat laiin Sawrkarin Dan a neih sa zuankana hmalak tumna a awm chu zialo an tih thu sawiin, “Kan Education system hi Party mal induhsakna uchuak atana hman a ni \hin hi pawi kan ti a, ZPM chuan na takin a dodal zel dawn a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia