Dan lova khaw din 26 awm

Local Administration Department (LAD) chhinchhiah danin Mizoram-ah dan lova khaw din 26 a awm mek a, Lunglei District chu dan lova khaw din tamna ber niin khaw 17 a awm.
Assembly Session neih mekah Serchhip bialtu MLA, Lalduhoma leh Tuichawng bialtu MLA Dr. BD. Chakma te zawhna in\awm ziak-a a chhanna ah LAD Minister K. Lalrinliana chuan hei hi tarlangin, Mizoram sawrkarin a chhinchhiah danin, Lunglei District-ah dan lova khaw din 17 a awm a, Mara, Lai leh Chakma Autonomous District Council te chu LAD enkawl a nih loh vangin an huamchhunga dan lova khaw din record LAD in a neilo thung a. Mizoram chhunga dan lova kha din te chu zirchian mek an ni a, an dinhmun a zirin District tina District Level Screening Committee in hmalak dan tur sawrkar-ah ala thlen ang.
LAD chhinchhiah danin Mizoram-a dan lova khaw din 26 awm mek te hi Lunglei District-ah khaw 17, Aizawl District-ah khaw 4, Champhai District-ah khaw 3 leh Mamit District ah khaw 2 te an ni a. Aizawl District chhung ami te hi Tuikhurhlu (Seling VC), CTI Ramthang (Sesawng VC) Mualmam (Sesawng VC) leh Lungsai (Maubuang VC) te an ni a. Lunglei District chhung-ah Gorosora (Kalapani VC), Saisen (Hmundo VC) Zohmun (Zodin VC), Terabonia (Marpara S VC) Hmunthar (Chawng L VC) Ngiautlang (Chawng L VC) Gulsil (Chawngte L VC) New Kawnpui (Lungpuitlang VC), Chando-bighat (Khojoysury VC), Siphirtlang (Lunglen II VC), Phainuam (Sesawm VC), Phairuangchhuah (Belthei VC), Pangtlang (Putlungasih VC), Dampui South (Dampui South Abolished), Belva (Diblibagh VC), Sazekchhuah (Diblibagh VC) te an ni.
Champhai District-ah Saikhumphai (Vaphai VC), Tawitawkawn (Kawlkulh North VC) leh Chalrang Melhnih (Chalrang VC) te niin Mamit District-ah, Boralui (Rajiv Nagar VC) leh Bajirungpa (Thinglian VC huam chhung) te dan lova khaw din an awm bawk.

Comments

Popular posts from this blog

PAN CARD an tih teh fo hi - Laldinpuia