Health Minister in Thenzawl khua a tlawh

Health Minister, Dr. R. Lalthangliana chuan nimin khan Thenzawl khawchhunga a Department chan Office pawimawh hrang hrangte tlawh-kualin, an hmalak mekna te a enfiah a, an mamawh an thlente ngaihthlaksak in, theihtawp chhuaha hmalak anih tur thu a sawi.

Health Department changtu Minister, Dr. R. Lalthangliana hian Thenzawl-a Community Health Centre (CHC) leh Mizoram-a AYUSH Hospital awmchhun, Then-zawl Integrated AYUSH Hospital te tlawhin, heng Damdawi In-a thawktu Medical Officer leh Staff ten an lo dawngsawng a, an mamawh leh \ulte Minister hnenah hian lo thlenin Minister chuan Hospital tihchangtlun zel nan a theih ang anga hmalak a tum thu a sawi a. AYUSH Hospital a X-Ray khawl leh Generator bakah a panna kawng chungchanga an mamawhna chu an neih thuai theih nan hmalak nghal a tum thu a sawi bawk.

Commerce and Industries Department changtu Minister ni bawk Dr. R. Lalthangliana chuan Thenzawl Venghlun-a Industry Department ten Handloom Facilitation Hub an sak mek pawh tlawhin, chak zawk leh \ha taka hmalak a duh thu leh harsatna an neih te a bula thlen vat \hin turin thawktute chu a chah bawk.

Dr. R. Lalthangliana hi Thenzawl Joint VC Chairman leh MNF Block President ni bawk, Vanlalzawna leh a thawhpui ten lo \awi-awmin, Thenzawl-in Bazar pangngai an neih loh avanga sakna hmun tura an ruahman, Supply Department hmun hlui chu a hmun ah a tlawh bawk a. Minister chuan, Bazar sak thuai chu a ngaihpawimawh thu leh helaia mimal nen ram chungchanga harsatna awmte enfiah a, chinfel vat dan zawn anih tur thu sawiin, chumi hnuah Bazar sak a nih vat theih nan hmalak zui zel a tum thu a sawi bawk. Minister hian nimin khan Lunglei a pan leh nghal a ni.