Mizoram-ah Fall Armyworm ziaawm chho mek zel Pangang puang-a hmalakna chhunzawm zel a ni

Agriculture Department chuan Mizoram-a Vaimim eichhetu, Fall Armyworm puang chuan ziaawm lam a pan zel tih sawiin, an enfiahna hmun tam takah chuan Fall Armyworm hi an thunun thei tawh thu an sawi a. Amaherawh chu he Pangang puang avanga hmalakna chu chhunzawm mek zel ala ni thung.

Mizoram-a Fall Armyworm leng chungchang ah hian Ministry of Agriculture hnuaia Directorate of Plant Protection, Quarantine and Storage-a Joint Director, Dr. N. Sathynarayanan chuan Mizoram rawn tlawhin Agriculture Department hotute nen Sailam-a Vaimim chinna hmun an tlawh a, Sailam-ah hian Vaimim hi chhungkaw 30 chuangin a hlangin an ching a, tunlaia Pangang puang (Fall Armyworm) in a beih ve avangin Agriculture Department-in theihtawp chhuahin hma an la a, tunah chuan Pangang puang hi thunun ni tawhin Vaimim pawh an thar pangngai ang zat thar leh tura beisei a ni tih an sawi a ni.

Hmun hrang hranga an kalna dangah pawh Fall Armyworm hi thunun theih a nih thu leh amaherawh chu Pangang thlahtu Phengphehlep te hi an thlawh kual ve reng tho avangin a rem mek tih theih erawh ala nih loh thu Agriculture Joint Director, James Lalsiamliana chuan a sawi bawk.

Dr. N. Sathynarayanan chuan Fall Armyworm chungchanga Agriculture Department hmalakna chu a fakin, State dangte entawn tlak hiala \an an lakna chu Ministry of Agriculture-ah pawh Report a pek tur thu a sawi a. Vaimim kung \ha tak tak Fertilizer hmang lo a \ha thei chu mak a tih thu leh Loneitute pawh Pangang do chung-changah \an la lehzual turin a fuih bawk.

Agriculture Department hian Fall Armyworm control-na atan hian Chemical hmang lova rannung Control-na, Bio-Agent chu hmangin Trichograma Pretiosum leh Meterhizium Anisophele te chu District hrang hrangah an sem-chhuak mek a, hei hi thilnung niin Fall Armyworm lo piang turte lo eichhe theitu tur a ni a. He Bio-Agent pahnih hi mihring leh environment tan a hlauhawm loh niin |hal/Thlasik Vaimim ching turte tan Vaimim chi chu damdawi hmanga chiah ngei ni se, thlai chi hi hun bi inang, \o rual tura tuh ni se \ha an tih thu an sawi bawk.