Central YMA in YMA Day thuchah tichhuak

Central YMA chuan tunkar Inrinni, June 15-a YMA Day vawi 84-na lo thleng tur puala Mizo mipui zawng zawngte Chibai bukin Sub-Hqrs, Group leh Branch YMA zawng zawng in mahni huamchhungah YMA Day Function hmang \heuh turin an ngen.

YMA Day puala thuchah an tihchhuah ah Central YMA chuan he YMA Day lo thleng turah hian thupui atan ‘Ram leh Hnam humhalh’ hmag tura ngenin Sub-Hqrs., Group leh Branch huamchhung hmun rem laiah YMA Flag a ngul sang taka zarchhuak turin an ti a. YMA chu \anpui ngaite \anpui tura pawl din a nih angin, Veng leh khaw chhunga miharsa leh chhumchhia te dapchhuak a, a theih ang anga \anpui nise, chenna In thawm\hat ngai leh khawsak harsa zualte dapchhuak a, a theih leh remchan anga chhawmdawl nise an ti bawk.

Hei bakah hian damlo mangang \anpui ngaite thisen pe turin YMA Branch tinte leh mimal tinte ngenin, faina leh thianghlimna chu YMA ten kalphung ngheta an lo neih tlat tawh angin, he ni denchhen hian vengchhung thenfai hnatlang a remchan dana neih nise an ti a, a remchan dan a zirin Hospital, Home leh Centre-ah te YMA Day puala \anpuina thilpek hlanin YMA In, Library, Lungphun, Signboard leh thil dangte tuaithar leh nise an ti a. He Ni hi \hangtharte-ah tlawmngaihna inzirtir thar leh nan hman tum nise an tih bakah Mizo thuam inbel uar tura \an lak nan hman nise an ti a. YMA Day hman dan hi Central YMA Office-ah report turin an ngen bawk.

Kumin a YMA Day lo thleng tur pual hian Central YMA chuan India ram khawpui hrang hrang 15-a Mizo Welfare te hnenah Rs. 10,000/- \heuh semchhuakin |awng\ai Bethel Camping Centre, Sakawr-tuichhun-ah eitu chi hrang hrang Rs. 50,000/- hu pek nise an ti bawk.