Mizoram-ah Rubber kung nuai 20 chuang phun tawh

Mizoram-ah Rubber kung nuai 20 chuang phun tawh a ngaih a nih thu Land Resources, Soil & Water Conservation Minister, R. Lalzirliana chuan House a hrilh.

Nimin a Assembly Session zawhna leh chhanna huna member te zawhna chhanga he thu hi sawiin R. Lalzirliana chuan, Mizoram-ah mimal-a Rubber ching an awm nual vangin tun dinhmunah Mizoram-a rubber kung awm zat chiang taka theih a nilo tih a sawi a, NLUP a\angin hectare 1558-ah Rubber Plantation siam a nih thu leh NABARD a\anga sum hmuh a\angin Ha 1200, avaiin Ha 2758 ah Rubber Plantation siam a nih thu a sawi.

Member te zawhbelhna chhangin R. Lalzirliana chuan Mizoram-ah Regional Rubber Board neih dan kawng ngaihtuah mek a nih thu sawi bawkin, kum 7 vel kalta a NLUP Phase-I hnuaia Rubber lo chin tawh te chu tunah a thar a hun chho mek tih a sawi a, a hnaina tur khawl sawrkar-a an dil chu Finance Department in a pek nghal thu a sawi bawk. 

Rubber chu Hectare 1-ah kung 500 a phun theih tih sawi bawkin Land Resources, Soil & Water Conservation Minister chuan, Department in a \anpui tawh Ha 2758, kung 13,79,000 vel mimal in an phun tawh ni a ngaih a nih thu leh Bamboo Plantation hrang hrang a phun tawh te nen Mizoram-a rubber phun tawh zawng zawng chu kung nuai 20 vel a tlin tawh thu a sawi a. Rubber chu Hectare 1-ah kg. 1500 vel thar thei a chhut a nih thu pawh sawiin, Kung 1-ah Kg. 2-3 vel thar theih a nih thu a sawi bawk a, Hectare khat-ah Rs. 1,95,000/- vel lei theih a nih thu a sawi bawk.