Health Minister in Serchhip District rawn tlawh

Health Minister, Dr. R. Lalthangliana chuan nimin khan Serchhip District chhunga Hrangturzo bial tlawhin Khawlailung, Chekawn leh North Vanlaiphai khua te tlawhin, Chawngtui khua a tlawh nghal a. Vawiin-ah Hrangturzo bial hi a tlawh chhunzawm leh ang.
Health Minister, Dr. R. Lalthangliana hian Hrangturzo bial a tlawhna ah hian Khawlailung PHC tlawh hmasa berin Khawlailung PHC chu kumin chhunga building thar sak hna an \an hman a beisei thusawiin, NABARD a\angin hemi atan hian cheng nuai 140.21 ruahman a ni a, tunah Administrative Approval leh Expenditure Sanction nghah mek a ni, a ti a. Mamawh dang an sawi te pawh a tahtawlin ngaihtuah sak zel a inhuam thu a hrilh a ni. Khawlailung PHC Meeting Room-ah Khawlailung Sugarcane Growers Association hruaitute nena inkawmna nei bawkin Fu chingtute tana hmalakna te, an mamawh hrang hrangte chu SEDP a\angin ruahmanna fel tak siam sak an nih tur thu a hrilh bawk.
Hemi hnu hian Minister hian Chekawn khua tlawhin khawtlang hruaitute nena inkawmna an nei leh a, Chekawn khawtlang hruaituten School leh Health Sub-Centre an mamawhna an lo thlen te a ngaihthlak sakin a \ul ang zela hmalak a nih tur thu a hrilh bawk.
Health Minister hian North Vanlaiphai tlawh lehin Forest Rest House tual-ah amah lo dawngsawngtu sawrkar hnathawkte leh khawtlang hruaitute nen inkawmna hun buatsaih leh a ni a. He hunah hian Dr. R. Lalthangliana chuan, N. Vanlaiphai kawng chu laizau in a thara blacktop tura hmalak mek a nih thu te, Lunglei District nena an inkalpawhna tur, N. Vanlaiphai leh Chawngtui inkar siam thar a nih tur thu te a sawi a. An khawtlangin mamawh hrang hrang an sawi te chu a theih ang ang umzui a nih tur thu sawiin, hmalam panin an kal ngei dawn ani tih lo inhre turin a chah a ni.
Health Minister chuan sawrkar thar chu a hmingin thla ruk (6) laia upa ni tawh mah se a taka hna kan thawh theih hun chu thla 2/1 emaw lek a la nih avangin dawhthei taka lo nghah erawh a ngai tih a sawi a, “Kan sawrkar tharah hriselna lama hma kan sawn theih nan sawrkar hian nasa takin hma a la nghal a, PHC a damdawi supply tam tawklo \hin te kha tihnep nghal a ni a, thawktu indaihlohna te, Quarters indaihlo lutuk te tihnepna tur ruahmanna pawh tunah hian kalpui mek a ni,” a ti a. “A pawimawh ber erawh chu damlo tihtlema, hrisel tura kan nun vawn uluk hi a ni thung a. Mahni taksa duata, min tihrisel lo thei thil ei leh in tinreng lakah inthiarfihlima, nun vawng uluk turin kan ram mipuite ka ngen a ni,” tiin Health Care Scheme \ha zawk nei tura ngaihtuahna sen mek anih thu leh reilote ah a taka hman theih thuai a beisei thu a tarlang bawk.

Comments

Popular posts from this blog

PAN CARD an tih teh fo hi - Laldinpuia