Assembly Session zo dawn

Mizoram Legislative Assembly Budget Session neih mek chu Vawiin hian zawhfel a ni dawn ta.
Tun thla ni 12 a\anga neih Mizoram Legislative Assembly Budget Session-ah hian nimin khan Chief Minister leh Finance changtu ni bawk, Zoramthanga Department enkawlte tana sum ruahman chu sawiho a nih hnuah House chuan a pawm a, heti hian Minister hrang hrangte Department enkawlna tura sum ruahman chu pawm kim niin heng sum ruahman te hman phalna, The Mizoram Appropriation (No. 4) Bill, 2019 chu Chief Minister chuan House-ah a pharh nghal a, hei hi pawm a ni nghal bawk a ni.
Mizoram Legislative Assembly \hutkhawm hi Vawiin ah chhunzawm lehin hun hmasa darkar khat chhung chu zawhna leh chhanna hun hman a ni anga, hemi hnu hian sawrkar thil pawimawh ngaihtuah a nih hnuah Budget Session \hutkhawm hi zawhfel a ni tawh ang.

Comments

Popular posts from this blog

PAN CARD an tih teh fo hi - Laldinpuia