Bike ri ring te mankhawm

Serchhip Police te chuan Serchhip khawpui chhunga Bike zingah a nihdan phung pangngai aia a ri tiring \hin te dapchhuah hna thawkin tun thla ni 15 hmaa a thara thlak turin an ti.

Serchhip Police te chuan tunlai hian mi \henkhat, an Bike-a Silencer/Exhaust ti danglama a nih tur aia ring-a siam \hin leh midangte tana harsatna thlen \hin an awm thu sawiin, heng mite hian midangte tan harsatna an siam avangin heng mite dapchhuah hna hi an thawk a. A vawikhatna ah hetianga Bike Silencer/Exhaust ti danglama a nih tur pangngai aia ti ring mi 6 te chu manin nimin khan Serchhip Police Station-ah koh an ni a. Heng mite hi MV Act Section 52 kalha an chet avanga man an ni a. Amaherawh chu thubuai siam sak leh pawisa chawitir ni lovin an Exhaust hmanlai chu tun thla ni 15 hmaa Original-a thlak tura intiamkamna ziahtir niin hemi Ni hian Police Station-ah enfiah tura inlan leh tura tih an ni a. He intiamna zawm lo te chungah chuan Dan anga Action lak leh tur a ni ang. Serchhip Police te chuan hetianga Bike Exhaust/Silencer ti danglam te dapchhuah hna hi thawh chhoh zel an tum a ni.