Serchhip-a Green Mizoram Day hman dan tur District Bawrhsap hovin ngaihtuah a ni

Serchhip District Level Committee on Green Mizoram chu nimin khan DC Committee Room-ah \hukhawmin tun thla ni 11-a Green Mizoram Day hman dan tur an sawiho a, kumin a Green Mizoram Day denchhen hian Serchhip leh Thenzawl inkar kawngpui kamah thing\iak phun leh a ni ang.
Nimin a Serchhip District Level Committee on Green Mizoram \hutkhawm hi an Chairman leh Serchhip District Bawrhsap, Sangchhin Chinzah chuan kaihruaiin Member Secretary, Lalduhthlana, DFO Thenzawl chuan State Level Committee in kumin a Green Mizoram Day hman dan tur a rel \uma a thil lo rel tawh te leh Ramngaw lama Mizoram dinhmun te, kum hmasa lama Green Mizoram Day kan lo hman \hin tawh dan te report a pe a. Nikum lama Green Mizoram Day puala thingphun hnatlang neihna Serchhip Sport Complex chhehvela thing phunte an nun \hat thu leh enkawl zui zel an nih thu te a tarlang bawk.
Hemi hnu hian kumin a Serchhip District-a Green Mizoram Day hman dan tur hi sawiho zui niin kumin a Green Mizoram Day hawnna inkhawm tawi leh kumin a Fire Prevention Week denchhena inelna chi hrang hranga lawmman semna hun chu June 11, 2019 zing dar 10:00-ah Zawlpui peng-ah neih nise an ti a, hemi hnu hian Serchhip-a sawrkar Office leh tlawmngai pawl te chuan Serchhip leh Thenzawl inkar kawngpui kamah chan insemin thingphun hnatlang neih leh nise tih niin, Thenzawl lama sawrkar Office leh tlawmngai pawl ten Thenzawl-a Golf Course sak mek Complex chhungah Thingphun hnatlang hi an nei ve bawk ang. Kumdanga an lo tih \hin angin Department leh Pawl hrang hrang te chan tur ram leh an thingphun tur te leh an phun zat turte chu DFO, Thenzawl lamin an lo buaipui dawn a ni.
Serchhip District Level Committee on Green Mizoram \hukhawm hian thing phun tur lo thlan fel leh a hungna tur lo buaipui turin Member Secretary, Lalduhthlana chu a ruat nghal a. Anni hian Department leh pawl hrang hrangte chanpual tur leh an thing phun tur zat te an lo thliar fel sa dawn a ni. Green Mizoram Day hi kum 1999 a\angin hman a ni a, thing \iak hi 24,03,112 phun a ni tawh a, kumin Green Mizoram Day-ah hian 'Thing phunin Sik leh Sa vawng \ha rawh' tih chu thupui-ah hman a ni ang.

Comments

Popular posts from this blog

PAN CARD an tih teh fo hi - Laldinpuia