Kangmei \helh dan tur in-zirtirna neih a ni

District Disaster Management Authority (DDMA) Serchhip buatsaihin nimin khan Serchhip-ah School himna tura kangmei chung-chang inzirtirna leh kangmei \helhna hmanrua inzirtirna neih a ni.
Leisekawt Mual-a he inzirtirna buatsaih hi Disaster Management Authority-a Serchhip District Nodal Officer leh SDC, Ngurthansanga MCS chuan kaihruaiin he hun buatsaih a nih chhan te a sawi a, he inzirtirna hun hi RMSA Serchhip District-a Deputy DPC, PC. Vanlalluna chuan hawngin khuarel chhiatna leh mihring te siamchawp chhiatna chu engtik hunah pawh thleng thei leh kan chungah pawh thleng thei a nih avangin a lo hmachhawn dan tur kan lo inzirtir chu thil \ul tak a nih thu leh High School-ah chuan zirlaibu-ah pawh telh a nih thu a sawi a. Tunhnai Serchhip-a kangmei chhuak ah kang \helhtute chetna dip-a lo awm mi tam tak an awm \hin chu inzirtirna neih \ul tak a nih thu leh chi-ai loh a pawimawh thu a sawi bawk.
He hun hmanna ah hian Serchhip khaw-pui chhunga High School leh Higher Secondary School 5 te tel tura sawm niin Govt. Higher Secondary School Serchhip, Govt. H/S Ser-chhip, Govt. JM H/S Serchhip, Marian H/S leh Presbyterian English School a\angin zirlai naupangte an tel a, Serchhip Fire Sub-Station a Station Officer, Lalbiaksanga chuan kangmei chungchanga hriatur pawimawh hrang hrang zirtirin hemi hnu hian Serchhip-a Fire Department-a thawk ten kangmei \helh dan leh kangmei \helhnaa hmanrua an neih hrang hrang a hman dan an zirtir leh bawk a ni.

Comments

Popular posts from this blog

PAN CARD an tih teh fo hi - Laldinpuia