Vangchhe khua a thil hlui laihchhuah Mizo pipute sulhnu nia ngaih a ni - Art & Culture Minister

Art & Culture Minister, R. Lalzirliana chuan Vangchhe khua a hmanlai thil hlui laihchhuah te chu Mizo hnam \henkhat thlang lo tla hmasa te sulhnu nia ngaih a nih thu House a hrilh.
Nimin a Assembly Session zawhna leh chhanna huna Serchhip bialtu MLA, Lalduhoma zawhna chhangin Art & Culture Minister, R. Lalzirliana chuan, Art & Culture Department leh Indian National Trust for Art & Culture Heritage (INTACH), Mizoram Chapter te hmalaknain Vangchhe khua ah kum 2016 January thla a\angin kum 2019 thlengin Archaeological Survey of India, Govt. of India, Aizawl Centre chuan Archaeological Excavation \um thum an nei tawh tih a sawi a, an thil laihchhuah leh zirchianna a\ang chuan Mizo hnam \henkhat thlang lo tla hmasa te sulhnu ni a ngaih a nih thu a sawi.
Zawhna neitu Lalduhoma chuan Vangchhe khua zirchianna a vai pathian lim ni a ngaih laihchhuah a nih thu leh Hindu sulhnu ni a Media \henkhat a vawrh a nih thu sawilangin, ‘Hindu sulhnu a ni thei em?’ tih leh ‘Mizo hnam \obul chhuichian tumna sawrkarin a nei em?’ tih a zawhbelh a, hei hi chhangin Art & Culture Minister chuan, Vangchhe khua zirchianna a vai pathian lim leh Hindu te sulhnu ni a media \henkhatte vawrh dar chu sawrkarin a hriatpui loh thu leh Media te thu vawrh darh chu sawrkarin a pawm loh thu a sawi a, Vangchhe khua a pipute sulhnu zirchiangin INTACH Mizoram Chapter chuan hmalakna an neih thu leh an Office pawh tihchangtlun chhoh mek zel a nih thu a sawi.
R. Lalzirliana chuan, Mizoram hnam \obul chhui turin thil tam tak ngaihtuah ngai a awm tih sawi bawkin, “Kan hnam hi ala naupang hle kan tih laiin, a upa hle tawh nia alanna te pawh a awm,” a ti a, tun dinhmunah chuan sawrkarin Mizo hnam \obul chhui chian tumna ala neih rih loh thu a sawi bawk.

Comments

Popular posts from this blog

PAN CARD an tih teh fo hi - Laldinpuia