Kolasib District-a hmalakna thlirhona neih a ni

Kolasib District hnuaia Department hrang hrangte hmalakna thlirhona atana Committee din, District Level Coordination Committee chu nimin khan Kolasib DC’s Conference Hall-ah \hukhawmin sawrkar Department hrang hrang hmalakna thlirho a ni.

He \hutkhawm ah hian Kolasib DC, Zoengsanga chuan Office kal leh haw hun chungchangah Sawrkar thupek zawm chu Sawrkar hnathawk te mawhphurhna a nih thu sawiin, mipuite chu an hna thawh chhan an nih thu a sawi a. “Tu pawh Office dawr tura rawn kal reng reng chu hawihhawm taka lo dawngsawng in an mamawh leh harsatna neih te chu sutkian dan tur lo dap pui a, lo \anpui chu Sawrkar hnathawk te tih makmawh a ni,” a ti a. “Mipuite rawngbawl sak turin Sawrkar in min chhawr a, mipuite rawngbawl sak chu kan hlawh lakna chhan a ni a, mahni hna ah rinawmna, in pekna, \hahnem ngaihna leh kalphung zawm \hat (discipline) chu vawn tlat tur a ni,” a ti bawk.

Kolasib District Bawrhsap chuan sawrkar hnathawk kartawpa Aizawl-a haw chungchang sawiin, kartawp pawh nise hna emaw, thil \ul avanga inkoh thut a awm theih avangin phalna la hmasa lo leh chhuanlam fahrah te te hmanga Station chhuahsan fo lo tura chahin, mahni hnathawhna hmuna awm \hat chu an mawhphurna anih thu a sawi a, Kolasib chu Office inrelbawlna kawnga District ti\ha ber nih tum tur leh midang te tana District entawn tlak a nih theih nana \an lakpui leh thawhhopui ah he huna kalkhawm Department hrang hrang Officer te chu a sawm bawk.

He hunah hian sawrkar Department hrang hrang ten sawrkar kum kaltaa an hmalak dan tarlangin, Forest Department chuan Chhiah chi hrang hrangah cheng nuai 133 vel an lakluh thu te, Land Revenue & Settlement Department in Registration Fee leh Stamp duty a\angin cheng 2,115,415/- an hmu a, MGNREGA-ah khaw 36-ah Job Card 12,911 pekchhuah niin Agriculture Department chuan NEDP hnuiah cheng nuai 1037 an dawnga, item 14 hnathawhna atan hman turin CSS hnuaiah cheng 91.318 an dawng bawk.

Kolasib District-ah hian Infant Mortality Rate (IMR) chu za zela-ah 24 niin hei hi State pum dinhmun aiin a hniam zawk a, naupang kaw\halo hri danna, Rota Virus Vaccine pe turin inbuatsaihna peihfel \ep niin mi 1063 te enfiah a\angin TB vei mi 231 hmuhchhuah an ni a, kum thum kalta chhungin an District-ah hian Malaria avanga thi an awm loh thu pawh he hunah hian tarlan a ni. HIV/AIDS-ah mi 4107 te thisen exam a\angin mi 169 te chuan HIV hrik an pai tih hmuhchhuah a ni bawk.

Hei bakah hian Kolasib District \halaiten zirna kawnga hma an sawn dan tur ngaihtuaha sawihona hun chu tun thla ni 17 khian neih nise tiin \hutkhawm hi Quarterly-a neih theih hram \ha an tih thu an sawi bawk.