MNF President in thu diklo a sawi, MNF in BJP an thawhpui ngei - BJP Gen. Secretary

BJP Mizoram Pradesh-a General Secretary, Vanlalhmuaka chuan Inrinni khan Aizawl-a an Office-ah thuthar thehdarhtute kawmin MNF President in BJP an thawhpui lo angin sawi \hin mah se an thawhpui ngei tih a sawi a, June 17-a Parliament \hutkhawm \an turah MNF nihna chu a takin chiang taka hmuh theih a nih tur thu a sawi bawk.

Inrinni-a Aizawl-a thuthar thehdarhtute an kawmna hunah hian BJP Mizoram Pradesh General Secretary, Vanlalhmuaka chuan tunhnai ah tualchhung chanchinbu-ah MNF President leh Chief Minister, Zoramthanga’n ‘BJP kan \an ngailo’ tih a sawi thu a lang nia sawiin, MNF President hian BJP thawhpui lo angin insawi \hin mah se, an thawhpui ngei tih an sawi a, khaw eng pawh zah map lova hetianga a la sawi ngam chu ‘Pathian leh kan Ram tan’ titu party tan chuan thil inhmeh lo takah an ngai tih a sawi a. BJP leh MNF thawkdun an ni tih lanna hrang hrang sawiin, “Kum 1998 chhova NDA-BJP kaihhruai AB.Vajpayee sawrkar lai khan Mizoram-a MNF sawrkar lai a ni a, khatih laia an MP Vanlalzawma pawh khan a zu support a ni,” a ti a. Tun MLA inthlan dawn pawh khan MNF President leh Chief Minister ni ta Zoramthanga hian Congress party ni lo, MNF, ZNP leh MPC te chu 2014 MP election dawn khan NDA-BJP kaihhruaiah an tel thu a sawi tih a sawi bawk.

Hei bakah hian BJP Mizoram Pradesh General Secretary chuan May 28, 2019-a Parliament Central Hall-a NDA, BJP kaihhruai MP te kalkhawmnaa BJP National President, Amit Shah-a’n Prime Minister atana Narendra Modi a rawtna ah pawh khan Meeting Convener pawhin MNF chu thlawptu zingah an tel thu a sawi tih sawiin, “MNF President hian UPA chu Congress kaihhruai an ni a, NDA chu BJP kaihhruai a nih thu hi a sawi fo a, NDA thlawptu lam an nih thu hi a sawi dan pawh a ni,” a ti a. “MNF hian NDA-BJP kaihhruai hi an support leh support loh i hriat duh chuan 17th June, 2019-a Parliament \hutkhawmah an MP neih chhun Pu C. Lalrosanga an \hut tirna hi lo thlir la, thudik chu sawi ngai lovin I hre mai ang,” a ti bawk.

BJP Mizoram Pradesh General Secretary chuan MNF President chu Central-a tlaktum loh hlaua a theihna zawng zawnga NDA zawm reng chunga Mizoram mipuite hnena hmai phihfai tuma insawifihlim tumah puhin, hetihlai hian NDA sawrkar an support thu an zuk thlen thung niin an sawi a. An duh anih chuan NDA sawrkar, BJP kaihhruai an thlawpna chu Mizoram mipui hmaah ni lovin NDA sawrkar, BJP kaihhruai mekah inhnukdawk mai turin an ti bawk.