Mamawh khawp eirawng-bawlna Gas dawnglo

MIZOFED Serchhip Branch chuan tun-hnaiah mipuite hnena semchhuah turin eirawng-bawlna Gas an dawng \ha lutuk lo tih sawiin, May thla chhung khan Truck Trip 10 an dawn thu an sawi.

MIZOFED Serchhip Branch-a thawktute chuan an hnuaiah hian eirawngbawlna Gas connection nei mi 15,000 vel an awm thu sawiin, amaherawh chu heng zingah hian regular taka Gas la leh Connection hmangtu chu mi 7743 an awm thu an sawi a. Heng mite hi hnianghnar taka eirawngbawlna Gas pe tur chuan thla tin Truck Trip 17-18 vel an mamawh thu sawiin, hei hi tunhnai ah chuan an dawng phak meuhlo tih an sawi a. Thla kalta May, 2019 chhung khan Truck Trip 10 an dawn thu sawiin, hei hi Domestic Cylinder (kg. 14.2-a rit) bur 3108 leh Commercial Cylinder (kg. 19)-a rit bur 72 a nih thu an sawi a, heng te hi mipuite hnenah a theih anga semrual ni mah se Consumers te hian an dukhawp an hmuh phakloh thu an sawi a ni.

MIZOFED Serchhip Branch-a thawk te chuan an hnuaia Gas Connection nei te hi Ser-chhip Town chhung bakah Kei\um, Bungtlang, Khawlailung, Piler, Chekawn, Mualcheng, East Lungdar, Sailulak, Leng leh Buangpui bakah Serchhip District pawn lamah Buarpui-ah te an awm thu an sawi a, heng khaw hrang hrangah pawh hian a theih anga zingin eirawngbawlna Gas hi an sem \hin thu an sawi bawk.