Health Minister ah thlen

Serchhip NGO Coordination Committee hruaitute chuan Serchhip damdawi In a Surgeon thawklai thlaktu awm lova sawn chungchang chu nimin khan Health Minister hnenah an thlen.

Niminpiah tlai-a Serchhip NGO Coordination Committee \hukhawm in Serchhip District Hospital-a Surgeon thawk mek, Dr. Zochampuia Ralte a aiawh tur dah lova sawn an duhloh thu leh a thlaktu dah a nih hma chuan sawnchhuak lo tura sawrkar ngen an rel angin nimin zing-a Thenzawl tlawhtu Health Minister, Dr. R. Lalthangliana chu Serchhip NGO Coordination Committee hruaitute chuan an Chairman, R. Sanghming-thanga hovin Thenzawl-ah an zuk hmu a.

He hunah hian NGO Coordination Committee hruaitute chuan an ngenna hi ziaka an thlen bakah \awngkaa sawi zuiin, nawrh leh boruak \halo pumpelh zawnga hmalak ngei an duh thu an thlen a. Minister chuan an ngenna hi lo ngaih-thlak sakin, Transfer chungchang hi karleh ah Chief Minister hova Meeting-ah ngaihtuah tur a nih thu a lo hrilh a ni. Serchhip NGO Coordination Committee hruaitute chuan he an ngenna hi tih hlawhtlin a nih ngei an beisei thu leh sawrkar chet dan thlir zela chet lak an tum thu an sawi bawk.