Aizawl-a MIZOFED Pump darkar 24 hawng dawn

Aizawl Treasury Square-a Mizoram State Cooperative Marketing & Consumers’ Federation (MIZOFED) Ltd. Petrol Dispensing Pump chu a mamawhtu apiangin nikhata darkar 24 chhunga an dawr theih turin nimin zing khan Cooperation Minister, C. Lalrinsanga’n a hawng.
He hunah hian Cooperation Minister chuan MIZOFED a thawktute \anlakna leh inpekna zarah Aizawl Dispensing Pump mipuite dawr theih tura darkar 24 hawn ani ta chu lawmawm a tih thu sawiin, rikrum thil leh mamawh thut thilah mipuite mamawhna phuhru tura hetianga ruahmanna awm hi mipui leh ram rawngbawl duhna tak tak thinlung neitute vang a ni tih sawiin, a mamawhtuten engtiklai pawha MIZOFED an biakpawh theihna tur Toll Free Telephone dah turin hma lak mek anih thu a sawi bawk.
Mizoram State Cooperative Marketing & Consumers’ Federation (MIZOFED) Ltd. hi State Level Co-operative Society leh State Government Agency niin kum 1981 ah din a ni a, Aizawl Retail Outlet hi December 9, 1981 a\angin MIZOFED hian a enkawl \an a, kum 37 chuang chawl lova mipuite mamawh tuialhthei chawlutin a hralhchhuak mek a ni. MIZOFED hnuaiah hian tun dinhmunah Mizoram pumah Petrol leh Diesel dispensing Pump pariat – Aizawl, Champhai, Kolasib, Lunglei, Lawngtlai, Vairengte, Hnahthial leh Thenzawl-ah a awm a, Thenzawl hi Bharat Petroleum Corporation Limited (BPCL) hnuaiah awmin a dang zawng hi Indian Oil Corporation Ltd. (IOCL) hnuaiah an awm a, tunah hian BPCL hnuaiah New Capital Complex, Aizawl leh Kawnpui-ah Dispensing Pump thar hawn tum mek a ni a. Tunah hian MIZOFED Petrol Dispensing Pump zawng zawng darkar 24 chhunga hawn tura ruahmanna kalpui mek niin Aizawl bakah Lunglei leh Vairengte te chu nikhat ah darkar 24 hawn a ni tawh a ni.

Comments

Popular posts from this blog

PAN CARD an tih teh fo hi - Laldinpuia