Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Mizoram-a Lei a himlo hlawm

Chief Minister, Zoramthanga’n Mizoram-a Lei hrang hrangte chu kumin May ni 8 khan endik zawh a ni a, a him lo hlawm hle tih hmuhchhuah a ni, a ti.
Assembly Session neih mekah ZPM member, Lalchhuanthanga zawhna a chhanna ah PWD changtu Chief Minister, Zoramthanga chuan, Mizoram-a Lei hrang hrangte chu Garden Reach Shipbuilders and Engineering-in a endikna a\angin Lei \henkhat chu a hlui tawh hle a, a hmanruate a tuiek nasa-in a chhe tawh hle tih hmuhchuah a ni, a ti a. Lei hlui tawh zinga \hen-khat phei chu a rang lama thlak a ngai a, Lei \henkhat chu phal chin piah lam phur lirtheiin an zawh \hin avangin a chhuat a kul tawh hlawm a, a Part \henkhat kimlo a awm nual avangin Lei inremkhawm chu a nghet tawk tawh lo hlawm a, Lei innghahna chu tuiin a hrut nasat avangin a tlahniam a, a Level a dik tawh loh avangin a \ha tawk tawh lo hlawm bawk a, Lei engemaw zatah a hmanrua chu Company hrang hrang siam hman pawlh a nih avangin a Part \henkhat a inmil tawk lova, hei vang hian a kilhna inmil tawk lo tam tak a awm bawk a, hei hian Lei a tihngheh loh bakah hmun \henkhatah chuan a nih tur ang ni lova kua-te a awm a ni, a ti.

Comments

Popular News (Last 30 Days)