Assam Rifles CO leh NGO hruaitute an inkawm

Serchhip-a rawn awm thar, 8th Assam Rifles Battalion-a Commandant, Saurabh Charan chuan Serchhip District NGO Coordination Committee hruaitute chu nimin khan leng-ah sawmin inkawmna an nei.

Nimin-a 8th Assam Rifles Battalion Hqrs. Serchhip-a an inkawmna ah hian NGO hrang hrang a\angin YMA, MUP leh MHIP aiawhte telin Assam Rifles Commandant, Saurabh Charan chuan inkawmna hun \ha tak an nei chu lawmawm a tih thu sawiin, NGO hrang hrangte nen thawhhona \ha tak an neih a beisei thu a sawi bawk.

Assam Rifles Commandant hnenah hian tlawmngai pawl hruaitute chuan Assam Rifles Battalion kalchhuak ta te leh Serchhip Sub-Hqrs. YMA in sipai lakna neih dawn \uma Pre-Recruitment Training an buatsaih \hin zarah Mizo \halai 40 chuang sipai-ah an luh tawh thu sawiin, chhun-zawm zel theih nise an duh thu an sawi a. Hei bakah hian YMA leh Assam Rifles \angkawpin \halaite tan Spoken Hindi Class an buatsaih chu neih leh an duh thu bakah Assam Rifles CSD Canteen chu mipui dawr theih tura hawn nise an duh thu te an thlen a. Heng an thil thlen te hi a theih anga tih puitlin dan kawng alo zawn tur thu sawiin, mipuite tana CSD Canteen hawn erawh thil harsa a nih thu a sawi thung.