LPG Home delivery ti tura hmalak mek a ni; Ration Chini chu Kg-ah Rs. 24/- a sem a ni dawn

Food, Civil Supply and Consumer Affairs Department changtu Minister, K. Lalrinliana chuan LPG Home delivery ti tura hmalak mek a nih thu sawiin, September 2019 a\ang hman tan \an tum a nih thu a sawi a. Ration Chini chu Kg-ah Rs. 24/- a sem tur a nih thu a sawi bawk.

Mizoram Legislative Assembly Budget Session chu nimin khan chhunzawm leh niin FCS&CA Minister, K. Lalrinliana chuan ZPM MLA, VL. Zaithanzama te zawhna ziaka chhangin Oil Marketting Companies (OMCs) hnuaiah Mizoram-ah LPG Bottling Plant thar din tumna a awm hriat a nih loh thu a sawi a. Private Company pakhat, Spice Gas erawh chuan Muallungthu ramah Bottling Plant din an tum nia hriat a nih thu sawiin, Spice Gas hian Petroleum & Explosives Safety Organisation (PESO), Ministry of Commerce & Industry a\angin Bottling Plant din phalna an hmu tawh a, Aizawl DC a\angin No Objection Certificate (NOC) hmu tawhin Aizawl Municipal Corporation (AMC) a\angin Trade License an neih bawk thu a sawi a. Tun dinhmunah Oil Depot thar Bairabi-ah hawn a nih ngei theih nan hmalak chhoh mek a nih thu a sawi bawk.
Opposition Group Leader, Lalduhoma zawhna chhangin FCS&CA Minister chuan Homer Nirmal Gas Agency leh DG Bussines Nirmal Gas Agency ten awlsam zawka Cooking Gas an zawrh mek chu sawrkarin a hriatpui thu a sawi a. Nirmal Gas Agency hnuai a\angin Food Civil Supplies & Consumer Affairs-ah Trade License an dil a. An dilna te ngun taka endik a nih hnuah document felfai taka an dil thu sawiin, a diltute hi ram leilung fa dik tak te an nih bawk avangin Trade License pek an ni, a ti a. He Company hi Private Company a nih avangin an sumdawnna lam sawrkin thui tak a hriatpui lo a, tun dinhmunah chuan an rintlak leh tlak loh hi sawrkar chuan a hre lo, a ti bawk.
LPG Home delivery chungchang a zawhna dang chhangin Supply Minister chuan Home delivery turin hma lak mek niin, thil\ul hmasa te buaipui mek a nih thu leh LPG Home Delivery hi September 2019 a\ang hman \an an tum thu a sawi a. PM-UJWAL LPG connection chungchanga Dr. BD. Chakma zawhna chhangin Free Gas Connection chu chhungkaw 25,777 in an dawn thu a sawi bawk.
Ration Chini sem chungchangah ZPM Member Lalduhoma, Vanlalhlana leh VL. Zai-thanzama te zawhna in\awm chhangin Supply Minister chuan Ration Chini Supplier turin State Purchase Advisory Board (SAPB) Meeting Resolution No.2 thu angin Mizofed thlan a nih thu leh Mizofed in an supply-na tur rate hi quintal khat-ah Rs. 4200/- a nih thu a sawi a, Supplier in Chini a Supply veleh Chini semchhuah nghal a nih tur thu leh June thla chhunga sem hman tur a nih thu a sawi a. Ration Chini sem ala nih loh thu sawiin, AAY chhungkaw khatah Chini Kg. 1 a sem tur niin, Kg. 1 man tur hi Rs.24 a ni, a ti bawk.
Congress Member, C. Ngunlianchunga chuan thlakhata buhfai lei zat zawtin Supply Minister chuan thlakhata Food Corporation of India (FCI) a\anga buhfai quintal 54798.30 lei a nih thu leh Tualchhung a\angin buhfai mamawh dan azirin quintla 40,000 lei \hin a nih thu a sawi a. Furpui lo thleng tur atan sawrkarin hmun harsa zawk leh kilkhawr zawka awm ten Buhfai a harsatna an tawh lohna turin ‘Monsoon Stocking’ siamin tunah hian peihfel tawh a ni a, a ti. 
Hei bakah hian Supply Minister, K. Lalrinliana chuan eirawngbawlna Gas ah mipui in harsatna an tawh loh nan thingtlang-ah leh khawpui hmun \henkhatah sawrkarin Gas Agency hawn belhin IOCL hotute lam pawh ruahmanna hrang hrang a siampui tawh thu a sawi a. Oil-ah harsatna mipuiin an tawh loh nan Bairabi khua Oil dahkhawmna hmun lian, Satellite Depot siam turin chaka hmalak a nih thu a sawi bawk.

Comments

Chhiar Hlawhte