Chona leh bungthar kai tirtu nise duh thu sawi

Mizoram sawrkar-a Manpower Development Committee Vice Chairman, Dr. Vanlal\anpuia MLA chuan hun reilote chhunga an hmalakna te chu chona leh bungthar min kai tirtu nise a duh thu a sawi.

Nimin a Aizawl Mizo Hnam Run-a MNF Chhung Inkhawm neih ah Manpower Development Committee Vice Chairman, Dr. Vanlal\anpuia hian thu sawiin Mizoram Chief Minister hmalakna chu chhuanawm a tih thu sawiin, “Reilote sawrkar chhung chauh pawhin Kawngpui \ha tak nei theiin a ho-in hna nasa taka thawh nghal a ni a. Zu zawrh tihtawp te, Gas leh buhfai hnianghnar kan nei thei te, Lok Ayukta Chairman ruat a ni nghal te, Vehicle Lifetime Tax tihdanglam a ni te hi a ropui hle a ni,” tiin hun reilote chhunga an achievements te chu chona leh bung thar min kaitirtu nise a duh thu a sawi a. “Kan Chief Minister zahawm tak ruahmanna angin, kan sawrkar hi sawrkar \ha leh hawi zawng mumal nei, sawrkar daih rei, Sustainable Development pawchhuaktu ni turin kan bei dawn a. Kan innghahna lungphum 'Pathian leh kan ram tan' tih hi a taka kalpui kan tum zel tur a ni. Kan ram Education System tlachhe tawh lutuk leh Central Service-a lut kan awm thei lo ta te, Health Care Scheme pawh changtlung leh mipuite chhawr \angkai theih turin kalpui kan tum a. Heng zawng zawng hi kan SEDP-a chuangsa a ni,” a ti bawk.