Serchhip DRDA PD in hmanpui

Mizo Students’ Union (MSU) Sub-Hqrs. Kei\um chuan nimin khan Kei\um khua a\anga HSLC leh HSSLC pass thar te chawimawina hun an buatsaih.

MSU Sub-Hqrs. Kei\um in nimin a Kei\um Community Hall-a zirlai ti\hate chawi-mawina hun an buatsaih hi Serchhip DRDA Project Director thar, H. Dolianbuaia chuan khual-lian niin a hmanpui a, khuallian chuan he huna kalkhawm mipui leh zirlaite chu Hlawhtling tur chuan taimakna leh tumruhna, tih tak taka beihna a pawimawh tih hre tura chahin, an thiamna chu chhawr tlak ni turin a fuih a, Pathian in hun inang \heuh min pek hmang thiam tur leh tumruhna nen zir turin a chah bawk.

Kei\um khuaa HSLC leh HSSLC pass thar te chawimawina hun hi MSU Sub-Hqrs. Kei\um President, Gospel Lalzaipuii chuan kai-hruaiin MSU General Hqrs. President, Vanlalliana Khiangte leh MSU General Hqrs. hruaitu dang ten an hmanpui bawk a, MSU President chuan MSU in khawtlang hmasawnna tam tak a thawk \hin tih sawiin, Kei\um khawtlang pawn MSU hi khawtlang hmasawnna tura lo hmang \angkai turin a chah bawk.

Nimin a zirlai ti\hate chawimawina hunah hian Kei\um khua a\anga kumin a HSLC pass mi 13 leh HSSLC pass thar mi 10 hnenah lawm-man leh thuchei hlan an ni. He hunah hian MSU-a an member, Lalhminghlui, JL HSS-a Class-XII zirlai, kumin March 23-a chatuan ram panta sunna hun hman a ni bawk.