2018-291 ah BADP atan cheng nuai 3,557.78 hmu

Rural Development (RD) Department changtu Minister, Lalruat-kima chuan kum 2018-19 atan Border Area Development Programme (BADP) atana sum hmuh chu cheng nuai 3,557.78 a ni tih House hrilhin, BADP sum hmanna chu \ha taka endik \hin a nih thu a sawi.

Nimin a Assembly Budget Session zawhna leh chhanna hun a Aizawl South-I bialtu MLA, C. Lalsawivunga zawhna chhangin RD Minister, Lalruat-kima chuan kum 2018-19 atana BADP sum hmuh chu central a\angin cheng nuai 3220.00 a nih thu leh State Matching Share a\angin cheng nuai 357.78 a nih thu a sawi a. Member te zawhbelhna chhangin RD Minister chuan BADP chungchang ah Annual Plan, Screening Committee din a nih thu sawi bawkin, Guideline-ah a awm chuan Ambulance lei theih dan a awm thu a sawi bawk. Central sawrkarin BADP Guideline thar a siam chu tun maiah chuan kalpui mai theih ala nih loh thu leh central sawrkar pawhin State tin te ngaihdan a lakkhawm mek thu a sawi a. Mizoram a BADP sum hmanna chu monitoring \ha taka kalpui a nih thu a sawi bawk.