Academy-a lut turin Serchhip District atangin 2 tling

Roundglass Football Academy, Chandigarh-a lut tur zawnna Serchhip-a neiha thlan zinga mi pahnih (2) te chu Roundglass Football Academy-a awm tura thlanfel niin thla thar a\angin Academy-ah hian an lut ang.

Chandigarh-a awm, Roundglass Football Academy hian an Academy-a awm tura zawnna hi tun thla ni 11 leh 12 khan Serchhip-ah rawn neiin Under-13 ah mi 4 leh Under-15 ah mi pakhat chu Chandigarh-a Final Trial nei leh tura thlan an ni a. Heng mite hi an kalman leh hawlam man tum sak vekin kar kalta khan Chandigarh-ah Final Trail neih leh niin an zingah hian Under-13 a Academy-a awm turin mi 2, Stephen Ngurchhuanmawia s/o Robert Zodinsanga, Serchhip Bazar Veng leh K. Lalruatfela s/o K. Lal\anpuia Chhingchhip Mualpui te chu thlan leh an ni a. Heng mite hi nimin khan an hriselna dinhmun enfiah sak leh niin nimin a result tihchhuah ah an pahnih hian an tling a ni.

Heng Serchhip District a\anga Academy-a awm tura thlan te hi rawn haw tawh lovin thla thar khian Academy-a lut nghal tura tih an ni a, Academy-a an awm chhung hian Football khelh zirtir an nih dawn bakah nitin zirna School pawh an awm dawn a, an zirna senso leh mamawh dang te hi Academy-a an awmna turte hian an tum sak vek dawn a ni. Chandigarh-a Trail-a tling zo talo midang zawng leh anmahni hruaitute chuan nimin tlai hian Mizoram an rawn pan dawn thung a ni.