Baktawng-a zirlai naupang 3 tui-ah tlahlum

Nimin khan Baktawng HSS te Tuirivang lui-a intihlim tura kal zirlai naupangte chu lui-ah chesualin an zinga naupang pathum (3) ten nunna an chan a, Vawiin ah vuiliam an ni ang.

Thudawn danin Govt. Baktawng HSS zirlai naupangte hi an zirtirtute nan Baktawng leh Hmawngkawn inkar-a Tuirivang lui-ah an kal a, chhun dar 11:00 leh 12:00 inkar vel khan an zinga naupang pakhat tui cheng lai chu lui-ah a chesual a, hemi chhan tuma beitute leh zirlai naupang \henkhat te chu inhambuaiin zirlai naupang pathum te chu tui-ah hian an tlahlum a ni. Thudawn danin heng zirlai naupang chesual-a nunna han te hi Lalthanzauva s/o Ramfangzauva, pawl 12 zirlai; Lalthanfela s/o Rosangpuia, pawl 11 zirlai leh Vanlalhruaii s/o Lalramsanga, pawl 12 zirlai te niin an vai hian Baktawng khua vek an ni a, heng mite ruang hi nimin vek khan hmuha lakchhuah nghal vek niin Phulpui-ah an ruang hi lak phawt a ni a, hemi hnu hian Kuang te siam sakin an khua ah hian lak leh a ni a, nizan khan lumen a nih hnuah vuiliam an ni ang. Tuirivang hi Baktawng a\anga Hmawng-kawn khaw panna kawng a\anga peng niin lui lian lutuk erawh a nilo a, amaherawh chu tunhnai ah ruahtui a tlak zeuh zeuh avangin tui erawh a tam lai nia thudawn a ni.