Hmar Veng FC leh AWC FC te champion

/
Serchhip District Football Association (SDFA) buatsaih, Season Ending Tournament chu nimin khan zawhfel niin 1st Division-ah Hmar Veng FC chu champion in 2nd Division-ah AWC FC an champion a, AWC FC hi Season thar-a 1st Division khel turin an tling nghal a ni.

Serchhip Sports Complex-a khelh SDFA Season Ending Tournament-ah hian nimin khan 1st Division ten match hnuhnung ber khelin inkhel hmasa berah Champion thei dinhmun-a ding, New Serchhip FC leh tla thei dinhmuna ding New Serchhip North FC te inhmachhawnin goal 13 zet luhna inkhel ah hian New Serchhip FC hi 7-6 in an chak a. Inkhel hnuhnung zawkah Champion thei dinhmun a ding Team pahnih, FC Serchhip Kawnpui leh Hmar Veng FC te inhmachhawnin Hmar Veng FC hi 3-2 in an chak bawk a ni.
Heti hian 1st Division-ah hian Hmar Veng FC leh New Serchhip FC te chuan khelh 7-ah point 16 ve ve hmuin Goal Difference-a \ha zawk Hmar Veng FC hi an champion a, Hmar Veng FC hian GD +18 neiin GD 14+ neitu New Serchhip FC chu pahnihna niin point 15 hmutu FC Serchhip Kawnpui chu pathumna an ni bawk.
1st Division-a point hmu hniam ber, khelh 7 a\anga point 1 hmutu New Serchhip North FC chu Season thar atan 2nd Division-ah an tla ta ta a, point 3 hmutu, P&E Veng FC chu Play-Off khel tur an ni ta bawk a ni.
2nd Division-ah AWC FC an champion :
Nimin chawhnu khan 2nd Division Final chu khelh niin AWC FC leh Bungpui FC, Hriangtlang te inhmachhawnin AWC FC hi si thum faia chakin Season thar-a 1st Division khel turin an tling a. AWC FC te hi hun engemaw chen 1st Division-ah an lo awm tawh a, nikum khan 1st Division-ah point hmu hniam ber dawttu niin Play-Off ah Chanmari FC hneh lovin 2nd Division-ah an tla a, Season khat 2nd Division-a an awm hnuah 1st Division-ah an rawn let leh a ni.
Vawiin a Play-Off khel dawn :
1st Division-a point hmu tlem ber dawttu, P&E Veng FC leh 2nd Division-a pahnihna, Bungpui FC te hian Vawiin chawhma dar 10:30 hian 1st Division Play-off khelin a chak zawk zawk ten Season thar-ah 1st Division an khel ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »