Naupang hruaibo dam taka hmuh leh a ni

Naupang kum sarih mi hruaibotu, Zonunsangi Fanai chu nimin khan Lunglei Police Station-ah statement lak niin thubuai siam sak a ni.

Thudawn danin tun Pathianni liam ta chawhma inkhawm kal dawn lai khan Zonunsangi Fanai (31), |hual\hu khua ami chuan an thenawm te fanu kum 7 mi chu, "Phone min lak pui rawh," tia sawmin Motor kal remchang pharin Lunglei a panpui hnuah, Thawh\anni khan Aizawl a thlenpui a. Naupang pa hian a fanu chin hriat lova awm chu ngaih\ha lovin, Pathianni tlai khan an Veng YMA hruaitute hrilhin heta \ang hian Police Out-Post zawng zawngah leh YMA Branch hrang hrangah naupang bo thu hi thawndarh a ni ta a ni. Police te chuan naupang thlalak leh a hruaitu thlalak hi Social Media-ah nasa taka ti darhin Thawhlehni khan Aizawl Zuangtui-ah Bawngkawn Police ten an hmu a, Bawngkawn Police ten manin nimin khan naupang hruai botu leh naupang chu Lunglei Police Station thlenpui an ni a. Court-ah hruai niin Court hian ni 14 chhung Police kut-a awm phalna pein Naupang hi nimin vek khan an khua thlenpui a ni bawk.

Police ten thu an zawhfiahna ah Zonunsangi Fanai hian a pasal nen Inrinni zan khan inhmuh thiamlohna neiin an insual tih a sawi a, tun Pathianni khan he naupang hi tuk\huan eikham bawr-ah an In-ah kalin an khuaa Vengthlang lamah lenpui-ah sawmin an kal thu leh hetah hian rilru dang pu thutin Aizawl-a phei a duh tih a sawi a. Truck pakhat, Lunglei thleng kal turah chuangin, Salem Veng-ah chhukin Salem Veng a\ang chuan BSF Camp Zotlang thleng ke-a an kal thu leh chuta \ang chuan Pukpui thleng tur Belero-ah chungin Pukpui an thlen hian khua a thim deuh tawh avangin mi In rel-ah an riak tih a sawi.

A tuk Thawh\anni-ah Ke-an Aizawl pana kalin, kawngsir-a hnathawk ten Motor (Pik-up) an phar sak hmangin hemi Ni tlai lamah Aizawl an thlen thu a sawi a, Zuangtui-ah Ramesh-a In-ah thlengin zan an riah nghal thu leh Thawhlehni-ah Bawngkawn-ah an len leh thu pawh sawiin, hetah hian naupang hian haw a duh thu a sawi thu leh haw tir mai dan a hriatloh thu pawh a sawi a. Heta \anga an haw hnuah an thlenna velah naupang lo infiam in an zinga pakhat chuan naupang chu pua-in a kalpui tak thu leh mi In-ah hruaiin hetah hian mi tam tak lo awmin a hnu minute 5 velah Police lo kalin a thil tih chu thil sual, naupang kidnap a nih thu an hrilh ta niin a sawi bawk.

Naupang bo hmuh leh a nih chungchangah hian |hual\hu khawtlang chuan anmahni buaipuitu khaw hrang hrang YMA, Lunglei ‘S’ bialtu MLA Dr. K. Pachhunga, Lunglei DC K. Lalrinzuali, Mizoram Police, pawl leh mimal te chungah lawmthu sawiin, naupang bo dam taka hmuh leh a ni chu lawmawm an tih thu an sawi bawk.