Sawrkarin Bank leh Insurance company zirchiang dawn; Kum 2018-19 ah Education Loan mi 4 pek an ni

Chief Minister Zoramthanga chuan Mizoram-a Commercial Bank \henkhatte leh Insurance company te chu an zirchian tur thu Assembly House hrilhin, duh ang anga an vawk lal len chu \ha an tih loh thu a sawi a. Kum 2018-19 chhungin Education Loan diltu mi 6 an awm tih sawiin, an zinga mi 4 te hnenah loan pek a nih thu a sawi bawk.

Nimin-a Assembly Budget Session ni 6-na zawhna leh chhanna hun a Serchhip bialtu MLA, Lalduhoma zawhna leh zawhbelhna te chhanga he thu hi sawiin, Finance Minister ni bawk Zoramthanga chuan, Dan ang thlapa awlsam zawk a insurance pechhuak thei zawn a nih tur thu a sawi. “Cheng nuai tel insurance-ah kan pe a, lak chhuah a harsa em em a, hemi ah hian hmalak a \ul ka ti takzet,” a ti a. “Awlsam zawk a insurance pe thei kan zawng ang a, chung ang insurance Company-ah te chuan mipui pawhin insurance an ti duh zawk ang,” a ti a. Hetiang ang ruahmanna kalpui a nih chuan Insurance Company lam te pawh Insurance pek chhuah awlsam kawngah hma an sawn a a rin thu a sawi bawk.

Finance Minister chuan mipui leh zirlaite tana loan pe chhuak \ha duh loBank bakah Insurance company te chu ngun leh zual zawka zirchian an nih tur thu sawi bawkin, duh ang anga an vawk lal len chu \ha an tih loh thu a sawi bawk.

Zawhna neitu Lalduhoma zawhna chhangin Zoramthanga chuan, kum 2018-19 chhungin Education Loan diltu mi 6 an awm thu leh an zinga mi 4 te hnenah loan pek a nih thu a sawi a, hengte hi Bank 11 a\anga informatin an hmuh dan a nih thu a sawi a. Education loan petu Bank te hi Canara Bank leh Mizoram Rural Bank an nih thu a sawi bawk.

Finance Minister sawi danin, India ramchhungah sawrkar pawmpui College/University-a Diploma Doctorate Programmes (Ph.D) Course, IIM, IIT etc. hnuaia Course hrang hrang zir nan Education loan lak theih a ni a, heng te bakah hian Foreign a zirna MC, MBA, MS etc te zir nan leh Job Oriented Professional/Techical Courses zir nan te lak theih a ni a. Education Loan diltu chu India National a ni tur a ni a, hei hian NRO te a huam a. Diltu chuan sawrkar pawmpui University/Institution-ah admission a hmu hmasa phawt tur a ni a, loan hi zirna atana \ul - Fee, Examination, Library, Laboratory fee, Lehkhabu leina, hmanraw pawi-mawh leina, Uniform leina atan te lak theih a ni.

India ramchhung zirna atan bik Medical Course ah cheng nuai 30 thleng a lak theih a, Couse dang atan chuan cheng nuai 10 thleng lak theih niin, India ram pawn zirna atan cheng nuai 20 thleng lak theih a ni bawk.